Otinish.kz سايتىندا بالالارىنا ەكپە سالدىرتۋدان باس تارتقان اتا-انالارعا جاۋاپكەرشىلىك ەنگىزۋدى تالاپ ەتكەن پەتيتسيا جاريالانىپ، قول جيناۋ باستالدى، دەپ حابارلايدى Azattyq Rýhy.

پەتيتسيا اۆتورلارى بالالارعا ەكپە سالدىرتۋدان باس تارتۋعا بايلانىستى قاۋىپتىڭ ارتىپ كەلە جاتقانىنا الاڭداۋلى ەكەندىكتەرىن، كوروناۆيرۋس پاندەمياسىنان كەيىن قازاقستان جاڭا پروبلەمامەن بەتپە-بەت كەلىپ، كەيبىر اتا-انالاردىڭ بالالارىنا ەكپە سالدىرتقىسى كەلمەۋىنە بايلانىستى ينفەكتسيالار ءتۇرى، سونىڭ ىشىندە قىزىلشا جۇقتىرۋ دەرەگى كوبەيىپ جاتقانىن ايتىپ، دابىل قاعادى.

«ەشقانداي سەبەپسىز ۆاكتسينالاۋدان باس تارتۋ جەكە وتباسىلاردىڭ دەنساۋلىعىنا عانا ەمەس، جالپى قوعامعا قاۋىپ توندىرەدى. ۆاكتسينالاۋدان باس تارتۋعا شاقىراتىن ەكپەگە قارسىلار مەن ينفليۋەنسەرلەر ناسيحاتتىڭ دۇرىس قابىلدانبايتىن جاعدايىن تۋدىرادى ءارلوووى ولار وزدەرىنىڭ كەڭەستەرىنە قۇلاق اساتىندارعا عانا ەمەس، سونىمەن قاتار جالپى اينالاسىنداعىلارعا دا قاۋىپ توندىرەدى»، - دەلىنگەن پەتيتسيادا.

پەتيتسيا اۆتورلارى مىنانداي شارالاردى ۇسىنادى:

ءبىلىم بەرۋ مەكەمەلەرىنە بولۋ كەزىندە ۆاكتسينالاۋدى مىندەتتەۋ: اقەس شەشىمىنە سايكەس جەتەكشى اۋرۋلارعا قارسى ەكپە العانى تۋرالى انىقتاماسى جوق بالالار بالاباقشالار مەن مەكتەپتەرگە جىبەرىلمەۋى ءتيىس;

اتا-انالاردىڭ جاۋاپكەرشىلىگى: بالالارىنا سەبەپسىز ەكپە سالدىرتۋدان باس تارتقان اتا-انالار بالالارىنىڭ جانە اينالاسىنداعىلاردىڭ دەنساۋلىعىنا تيگىزۋى ىقتيمال سالدار ءۇشىن جاۋاپتى بولۋى كەرەك;

ۆاكتسينالاۋعا قارسى ناسيحاتقا قارسى ءىس-قيمىل: عىلىمي نەگىزدەمەسىز ۆاكتسينالاۋدان باس تارتۋعا شاقىراتىن ينفليۋەنسەرلەر مەن مەديانىڭ قىزمەتىن رەتتەيتىن زاڭدار قابىلداۋ.

قازىرگى ۋاقىتتا پەتيتسياعا 166 ادام قول قويعان.

فوتو: اشىق دەرەككوزدەن

Abai.kz