رەسەي ارمياسى ۋكرايناعا باسىپ كىرگەلى 300 مىڭعا جۋىق ادامىنان ايىرىلعان. مۇنداي ستاتيستيكانى ناتو باس حاتشىسى يەنس ستولتەنبەرگ ايتتى، دەپ حابارلايدى Ulysmedia.kz.

ول شىعىنداردىڭ اراسىندا قازا تاپقاندار دا، جارالانعاندار دا بار ەكەنىن اتاپ ءوتتى. سونداي-اق 300 مىڭ ادامنىڭ قانشاسى ولتىرىلگەنىن جانە قانشاسى اۋىر جاراقات العانىن ناقتىلاعان جوق.

رەسەيدىڭ شىعىندارى تۋرالى ايتا وتىرىپ، باس حاتشى ۇلكەن شىعىن ۋكرايناداعى سوعىستى جاقىن ارادا اياقتايدى دەگەن ءۇمىتى بارىن دا اتاپ ءوتتى. ونىڭ ايتۋىنشا، رەسەي پرەزيدەنتى ۆلاديمير ءپۋتيننىڭ قۇرباندىققا كەلگەندە "تولەرانتتىعىنىڭ جوعارى شەگى" بار.

ەسكە سالا كەتەيىك، ايدىڭ باسىندا اقش "رەسەي اگرەسسياسىنان قورعاۋ ءۇشىن" جالپى سوماسى 425 ميلليون دوللار بولاتىن كەزەكتى اسكەري كومەك پاكەتىن ۇسىنعان.

فوتو: عالامتوردان

Abai.kz