سەبەپ-سالدارسىز بەرىك ابدىعالي ارقالىق قالاسىنىڭ اكىمى قىزمەتىنەن بوسادى. ەرلان قارين «نۇر وتاننىڭ» جاۋاپتى حاتشىلىعىنان كەتتى.  جانە سولارى وتە دۇرىس بولدى. ارينە، ەلگە پايدالى ەڭبەك ەتۋدىڭ توتە جولى – بيلىك ۇسىنعان قىزمەتتە بولۋ. ناقتىراق ايتساق،  قولىندا ازدى-كوپتى بيلىگى بار ادام تۋعان حالقىن شىن سۇيسە، جۇرت سۇيسىنەتىن ءىس جاساي الادى.

بەرىك تە، ەرلان دا «قازاققا بولسىنشى» دەيتىن جىگىتتەر. سول ىزگى تىلەكتەرىن بۇل ەكەۋى ءبىرى اكىم، ءبىرى بيلىك پارتياسىنىڭ قىزمەتكەرى بولا ءجۇرىپ ايگىلەپ باقتى. بەرىك باقىتۇلى «ايدالادا قالعان» ارقالىقتىڭ اجارىن كىرگىزىپ، قۇلازىپ تۇرعان قالانىڭ ءون-بويىنا قان جۇگىرتسە، ەرلان تىنىمبايۇلى تىم-تىرىس،  توماعا-تۇيىق پارتيانى اشىق پىكىر الاڭىنا شىعارۋعا قاجىر-قايراتىن، اقىل-پاراساتىن جۇمساي ءبىلدى.

سەبەپ-سالدارسىز بەرىك ابدىعالي ارقالىق قالاسىنىڭ اكىمى قىزمەتىنەن بوسادى. ەرلان قارين «نۇر وتاننىڭ» جاۋاپتى حاتشىلىعىنان كەتتى.  جانە سولارى وتە دۇرىس بولدى. ارينە، ەلگە پايدالى ەڭبەك ەتۋدىڭ توتە جولى – بيلىك ۇسىنعان قىزمەتتە بولۋ. ناقتىراق ايتساق،  قولىندا ازدى-كوپتى بيلىگى بار ادام تۋعان حالقىن شىن سۇيسە، جۇرت سۇيسىنەتىن ءىس جاساي الادى.

بەرىك تە، ەرلان دا «قازاققا بولسىنشى» دەيتىن جىگىتتەر. سول ىزگى تىلەكتەرىن بۇل ەكەۋى ءبىرى اكىم، ءبىرى بيلىك پارتياسىنىڭ قىزمەتكەرى بولا ءجۇرىپ ايگىلەپ باقتى. بەرىك باقىتۇلى «ايدالادا قالعان» ارقالىقتىڭ اجارىن كىرگىزىپ، قۇلازىپ تۇرعان قالانىڭ ءون-بويىنا قان جۇگىرتسە، ەرلان تىنىمبايۇلى تىم-تىرىس،  توماعا-تۇيىق پارتيانى اشىق پىكىر الاڭىنا شىعارۋعا قاجىر-قايراتىن، اقىل-پاراساتىن جۇمساي ءبىلدى.

«نۇر وتان»  - بۇرىنعى كوممۋنيستىك پارتيا سياقتى بەلدەن باساتىن، اشىق سىنعا ءتوزىمسىز، ساياسي باسەكەگە قابىلەتسىز پارتيا. بۇل پارتيانىڭ قاتارىندا جۇرگەندەردىڭ دەنى مانساپ قۋعان، قىزمەت بابىمەن ءوسۋدى جولعا قويعان شەنەۋنىك نەمەسە كاسىپكەرسىماق بولىپ كەلەدى.  سوندىقتان ولار ەلدەگى قاندايدا ءبىر وقيعاعا كوزقاراس تانىتىپ، سارابدال پىكىر ايتۋدان ات توندارىن الا قاشادى. بۇنداي قالپىمەن اتالعان پارتيانىڭ جەتەكشى ساياسي قۇرىلىمعا اينالۋى كۇماندى نارسە. ەرلان قارين پارتياعا قاتىستى سول كۇماندى بۇزىپ-جارىپ باستاعان ەدى. الاشوردا ارداگەرلەرىنىڭ ارمان-ماقساتىن دا اقىرىنداپ اتالعان پارتيانىڭ  ساياسي تىرلىگىنە ارالاستىرۋعا كىرىسكەن. بىراق، ءبىر-اق كۇندە جاۋاپتى حاتشىلىقتان بوسادى. ءجا، وعان بولا كۇيىنۋدىڭ قاجەتى شامالى. «اق بەرىك» دەپ ارقالىقتىڭ جاستارى سياقتى قيا الماستىقتىڭ ءانىن ايتىپ قىنجىلۋدىڭ دا قاجەتى جوق. ويتكەنى بەرىك پەن ەرلان ەندى ەركىندىك الدى. ويلارىن ىركەپەي ورتاعا سالۋدىڭ مۇمكىندىگىنە جەتتى. بيلىكتەگى قىزمەت پەن بيلىككە قىزمەت قىلاتىن پارتيادا ءجۇرىپ، جۇيەمەن كۇرەسۋ – جۇيكەلەپ تىنۋ دەگەن ءسوز.  دەمەك، بەرىك پەن ەرلان تاسىنىپ سويلەگەنىمەن باسىلىپ قالا بەرەتىن ۇلت پاتريوتتارىنىڭ اقىل-ويىنا، مۇرات-ماقساتىنا اقىلشى ءام جەتەكشى بولادى دەگەن ويدامىز. ايدوس، راسۋل، مۇحتار، قاسىم سياقتى ءبىلىمى مەن بىلىگى بيىك، ۇلت مۇددەسى ءۇشىن ءجۇرىپ جاتقان «مىلتىقسىز مايداندا» ازدى-كوپتى تاجىريبە جيناقتاپ، ىسىلعان جاستاردىڭ قاتارى «جوعارى جاقتىڭ» ويى مەن ويىنىن جاقسى بىلەتىن ەكى ازاماتپەن تولىقتى دەپ بەك سەنەمىز. بارەكەلدى، جىگىتتەر!

Abai.kz