«ءدىنسىز العان ءبىلىم دۇرىس ەمەس، ادام الدىمەن ءدىندى مەڭگەرسە دۇرىس»، - دەيدى كوپتەگەن تەولوگتارىمىز...

جاقسى، سول جولمەن جۇرەيىك ءبارىمىز... ناتيجە قالاي بولماق؟ وندا مىنا جاعدايمەن بەتپە-بەت كەلەمىز:

...قۇداي تۋرالى ءبىلىمدى يگەرۋگە ءبىر ادامنىڭ عۇمىرى جەتپەيدى. وسى «بىلىممەن» اينالىسقان ادام ءومىرىن وسىمەن وتكىزەدى...

ول ادامنان ادامزاتقا، قوعامىنا ەش پايدا جوق. سەبەبى، عىلىم مەن ءبىلىم ماقساتى قۇدايعا ەمەس، ادامعا باعىتتالعان. ادامزات عىلىم ارقىلى جاراتىلىستىڭ، ياعني، تۇتاس تابيعاتتىڭ جۇمباعىن اشادى. ءسويتىپ، ونى ادامزات يگىلىگىنە اينالدىرادى.

ونداي عالىمعا قۇداي دا رازى. سەبەبى، ول عالىم ءوزى جاڭالىق اشقان سايىن جاراتۋشى قۇدايدىڭ شەكسىز تىلسىمىنا ءبىر تابان جاقىنداي تۇسكەن بولىپ سانالادى.

ال عىلىم ماقساتىنا بىردەن قۇدايدى قويعان ادام - شەكسىزدىكتە شاتاسىپ، قۇداي «جۇمباعىنىڭ» ماڭىنا دا جولاي المايدى. ول ءومىرىن ەرتەگى ايتۋمەن، تەككە وتكىزەدى.

سەبەبى، عىلىم تەتىگى قۇداي تۋرالى كىتاپتا ەمەس، عىلىم تەتىگى - ادامنىڭ اقىلىندا! قۇداي دا ادامعا اقىلدى سول ءۇشىن بەردى عوي...

ءابدىراشيت باكىرۇلى،

فيلوسوف‑پۋبليتسيست

Abai.kz