مەملەكەت باسشىسى قاسىم-جومارت توقاەۆ بيىل قىركۇيەكتەگى «ادىلەتتى قازاقستاننىڭ ەكونوميكالىق باعىتى» اتتى قازاقستان حالقىنا جولداۋىندا ەلدەگى جۇمىسسىزدىقتى جويۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى.

اتالعان ماقساتتا استانا قالاسىنىڭ اكىمدىگى «JOLTAP» الەۋمەتتىك جوباسىن قولعا الىپ، ەلوردا تۇرعىندارىنا از ۋاقىت ىشىندە تسيفرلىق جانە ەڭبەك ماماندىقتارىن تەگىن مەڭگەرۋ مۇمكىندىگىن اشتى.

وندا اتالعان جوبانىڭ العاشقى ناتيجەلەرى جاريالاندى. «JOLTAP» جوباسى اياسىندا 168 استانالىق ستۋدەنت وقۋىن اياقتاپ، تارگەتولوگ، SMM مامانى، ۆيدەوگراف، ماركەتپلەيس، موبيلوگراف، گرافيكالىق ديزاينەر جانە ۆەب-ديزاينەر (ۆەب-سايت ازىرلەۋ) سياقتى تسيفرلىق داعدىلار بويىنشا سەرتيفيكاتتارعا يە بولدى.

«ارنايى تەگىن بىلىكتىلىكتى ارتتىرۋ كۋرستارىنان وتكەن تۇلەكتەر ءوز ماماندىقتارى بويىنشا جۇمىس ىستەۋدى جوسپارلاپ وتىر. بۇل جوباعا جاستار اراسىندا دا، ورتا بۋىن وكىلدەرىندە دە قىزىعۋشىلىق بار»، - دەيدى استانا اكىمدىگى.

تسيفرلىق داعدىلار بويىنشا قىسقا مەرزىمدى كۋرستاردى ءبىتىرىپ، ءبىلىم العان ازاماتتاردىڭ 63 پايىزىنىڭ جۇمىس تاجىريبەسى بولماعان. ال 11 پايىزى ءوزىن-ءوزى جۇمىسپەن قامتىعان ازاماتتار.

«تۇلەكتەردىڭ جارتىسىنا جۋىعى رەسمي تۇردە جۇمىسقا ورنالاسۋدى نەمەسە ونلاين تاپسىرىستاردى قابىلداۋدى جوسپارلاپ وتىر»، - دەلىنگەن رەسمي حابارلامادا.

«فريلانس مۇمكىندىك» قىسقا مەرزىمدى وقۋ باعدارلاماسى تەك استانا قالاسىنىڭ 18 بەن 50 جاس ارالىعىنداعى تۇرعىندارىنا عانا قولجەتىمدى. ونى تىركەۋ «بارشاعا مۇمكىندىك» ءمودۋلىنىڭ تارماقتارىندا جۇزەگە اسىرىلادى.

«JOLTAP» جوباسىنىڭ وكىلى ەراسىل جانبولاتۇلىنىڭ ايتۋىنشا، «JOLTAP» الەۋمەتتىك جوباسى مەملەكەتتىك قولداۋ شارالارى، ارنايى الەۋمەتتىك كومەك، بيزنەس اشۋعا ءوتىنىش بەرۋ، وقىتۋ جانە جۇمىس ىزدەۋ ماسەلەلەرى بويىنشا تەگىن كەڭەستەر بەرۋگە مۇمكىندىك بەرەدى.

«بۇل جوبا قالا اكىمدىگىنىڭ باستاماسىمەن جانە «جاڭا مۇمكىندىك» قوعامدىق قورىنىڭ قولداۋىمەن جۇزەگە اسىرىلۋدا. باقىتىمىزعا وراي، ول بارلىعىنا قول جەتىمدى. كەز كەلگەن ادام قاتىسا الادى. جوباعا قاتىسۋ تەگىن. جوبانىڭ ماقساتى: «JOLTAP» جوباسى ازاماتتاردىڭ تابىسىن ارتتىرۋعا جاعداي جاساۋ»، - دەيدى ەراسىل ءدىلدايىم.

Abai.kz