حارراسمەنتكە جاۋاپكەرشىلىك كۇشەيەدى
استانادا بۇۇ قولداۋىمەن ۇيىمداستىرىلعان «وڭىردەگى گەندەرلىك زورلىق-زومبىلىققا قارسى كۇرەس: ءتيىمدى جانە تۇراقتى بىرلەسكەن شەشىمدەردى ىزدەۋ» تاقىرىبىندا ورتالىق ازيا ەلدەرى ايەلدەر ديالوگىنىڭ حالىقارالىق كونفەرەنتسياسى ءوتىپ جاتىر. بيىل قازاقستان 2023 جىلعى ورتالىق ازيا ايەلدەرى ديالوگىنا توراعالىعى اياقتالادى، دەپ حابارلايدى Ulysmedia.kz.
جيىنعا قازاقستان مەن وزبەكستان پارلامەنتى پالاتالارىنىڭ سپيكەرلەرى، قازاقستان پرەزيدەنتى جانىنداعى ايەلدەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى، قىرعىزستان، تاجىكستان جانە تۇرىكمەنستان پارلامەنتشىلەرى، مەملەكەتتىك ورگانداردىڭ باسشىلارى، سونداي-اق ۇكىمەتتىك ەمەس جانە حالىقارالىق ۇيىمداردىڭ، ديپلوماتيالىق كورپۋستىڭ وكىلدەرى قاتىسىپ وتىر. قاتىسۋشىلار ورتالىق ازيا وڭىرىندەگى گەندەرلىك زورلىق-زومبىلىقپەن كۇرەسۋدەگى جانە ايەلدەر قۇقىقتارىن قورعاۋداعى پارلامەنتتەر مەن ازاماتتىق قوعامنىڭ ءرولىن تالقىلايدى، سونداي-اق گەندەرلىك قۇقىق سالاسىنداعى قولدانىستاعى زاڭناما مەن قۇقىق قولدانۋ تاجىريبەسىن جەتىلدىرۋگە قاتىستى زاماناۋي سىن-قاتەرلەر مەن وزەكتى ماسەلەلەردى قاراستىرادى.
جيىندا ءسوز سويلەگەن ەرلان قوشانوۆ وڭىردەگى گەندەرلىك تەڭدىك ماسەلەلەرىن كوتەرىپ جۇرگەن بىرىككەن ۇلتتار ۇيىمىنىڭ، ساراپتامالىق قوعامداستىق پەن ازاماتتىق سەكتور وكىلدەرىنە ارنايى ريزاشىلىق ءبىلدىردى. بايانداماسىندا قازاقستاندا زورلىق-زومبىلىققا قارسى زاڭنامالىق تۇرعىدا قانداي جۇمىستار اتقارىلىپ جاتقانىن ايتىپ بەردى.
«قازاقستاندا كەيىنگى جىلدارى وتباسىلىق-تۇرمىستىق زورلىق-زومبىلىققا قارسى كۇرەس اياسىندا جازالار ۇنەمى قاتايىپ كەلەدى. بۇگىن ءبىز، زاڭ شىعارۋشىلار جۇمىستى ودان ارى جالعاستىرىپ جاتىرمىز. دەپۋتاتتار وسى سالاداعى زاڭنامالىق نوۆەللالاردىڭ جاڭا پاكەتىن ازىرلەۋگە كىرىستى. بىرىنشىدەن، ءبىز تۇرمىستىق زورلىق-زومبىلىق ءۇشىن جاۋاپكەرشىلىكتى قىلمىستىق جاۋاپكەرشىلىككە تارتۋدى جوسپارلاپ وتىرمىز. دەنساۋلىققا ورتاشا جانە اۋىر زيان كەلتىرگەنى ءۇشىن، قابىلدانعان جاعدايدا، تەك باس بوستاندىعىنان ايىرۋ كوزدەلەتىن بولادى. بوستاندىقتى شەكتەۋ سياقتى جازانىڭ بۇل ءتۇرى تولىعىمەن الىنىپ تاستالادى»، - دەيدى قوشانوۆ.
ونىڭ سوزىنشە، «حاراسسمەنت» دەگەن تۇسىنىكتى ەنگىزۋ كوزدەلگەن.
«دەپۋتاتتار بۇل تاقىرىپتى وزدەرىنىڭ دەپۋتاتتىق ساۋالدارىندا بەلسەندى تۇردە كوتەرىپ كەلەدى. سونىمەن قاتار، قازىر ايەلدەر "ستالكينگ" سياقتى قۇبىلىسپەن، ياعني قۋدالاۋعا ءجيى ۇشىرايدى. مۇنداي ارەكەتتەر ءۇشىن كوپ ەلدە قىلمىستىق جاۋاپكەرشىلىك ەنگىزىلدى. ءبىزدىڭ ەلدەرىمىزگە دە وسىنداي ارەكەتتەر ءۇشىن جازانى قاتاڭداتۋ تۋرالى ويلاناتىن كەز كەلدى»، - دەيدى قوشانوۆ.
Abai.kz
