بۇگىن استانادا مادەنيەت جانە اقپارات مينيسترلىگى مەن ۇلتتىق ۆولونتەرلىك جەلىنىڭ قولداۋىمەن، سونداي-اق بۇۇ ەرىكتىلەر باعدارلاماسىنىڭ قاتىسۋىمەن كەلە جاتقان حالىقارالىق ۆولونتەرلار كۇنىنە ارنالعان سيمپوزيۋم ءوتتى، دەپ حابارلايدى BAQ.KZ.

ءىس-شارانى اشقان ءماجىلىس دەپۋتاتى ۆەرا كيم قازىرگى قوعامداعى ۆولونتەرلىك قىزمەتتىڭ ماڭىزدىلىعىنا توقتالدى. ول ءوزىنىڭ قۇتتىقتاۋ سوزىندە ۆولونتەرلىك قىزمەتتىڭ نەگىزگى باعىتتارىن، ونىڭ دامۋىن جانە جەتىستىكتەردىڭ ماڭىزدىلىعىن اتاپ ءوتتى. ول ۆولونتەرلىك قوزعالىسىنىڭ جالپىۇلتتىق اۋقىمىنىڭ ءوسىپ كەلە جاتقانىنا توقتالىپ، قازاقستاندىقتاردىڭ جاقسىلىق جاساۋعا، كومەك كورسەتۋگە جانە ءومىرىن جاقسى جاققا وزگەرتۋگە دەگەن قابىلەتى دامىپ جاتقانىن ايتتى.

سونىمەن قاتار دەپۋتات «ۆولونتەر بولۋ وڭاي» اتتى قىسقى مەيىرىم اپتالىعىنىڭ باستالعانىن حابارلادى. مادەنيەت جانە اقپارات مينيسترلىگىنىڭ قولداۋىمەن ۇلتتىق ۆولونتەرلىك جەلى ۇيىمداستىرعان بۇل باستاما قوعام يگىلىگى ءۇشىن ۆولونتەرلىك جوبالاردى ىنتالاندىرۋ جانە جۇزەگە اسىرۋدى كوزدەيدى جانە 4-10 جەلتوقسان ارالىعىندا وتەدى.

ۆولونتەرلىكتى قولداۋ مەن دامىتۋعا، اتاپ ايتقاندا، ەلىمىزدىڭ دامۋىنداعى ۆولونتەرلەردىڭ رولىنە جانە ۆولونتەرلىك جانە قايىرىمدىلىق قىزمەتى ارقىلى الەۋمەتتىك ارىپتەستىكتىڭ الەۋەتىن ارتتىرۋعا قازاقستان مەملەكەت باسشىسى تاراپىنان ەرەكشە نازار اۋدارىلدى.

ءوز كەزەگىندە مادەنيەت جانە اقپارات ۆيتسە-ءمينيسترى دانيار قادىروۆ قازاقستان پرەزيدەنتىنىڭ بەلسەندى قولداۋىمەن رەسپۋبليكالىق جانە حالىقارالىق دەڭگەيدە ۆولونتەرلىكتى دامىتۋ بويىنشا ستراتەگيالىق قۇجاتتار مەن باستامالاردى قابىلداۋدىڭ ماڭىزدىلىعىن اتاپ ءوتتى.

كەلەسى جىلى اوسشك-گە مۇشە ەلدەر ۆولونتەرلەردىڭ كەزدەسۋىن وتكىزەدى. وسى تۇرعىدا قازاقستان ءوز مىندەتتەمەلەرىن دايەكتى جانە ماقساتتى تۇردە جۇزەگە اسىرىپ، ەل ىشىندە جانە ورتالىق ازيا وڭىرىندە عانا ەمەس، ۆولونتەرلىك قىزمەت پەن ۆولونتەرلەردىڭ دەڭگەيىن جاھاندىق دەڭگەيدە ارتتىرۋعا ۇمتىلۋدا. بۇل الەۋمەتتىك، ەكونوميكالىق جانە ساياسي سالالارداعى سوڭعى وقيعالارعا بايلانىستى وتە ماڭىزدى، ويتكەنى ۆولونتەرلار ورتاق ماقساتقا – بەيبىتشىلىك پەن ىزگىلىككە ۇمتىلعان ىزگى نيەتتى ادامدار، - دەپ اتاپ ءوتتى ۆيتسە-مينيستر.
سيمپوزيۋم بارىسىندا حالىقارالىق ۆولونتەرلەر جىلىن وتكىزۋدى جانە بيىلعى جىلدىڭ تاريحى مەن ماڭىزدىلىعى تۋرالى حاباردارلىقتى ارتتىرۋعا باعىتتالعان قازاقستاننىڭ باستاماسىن قوسا العاندا، نەگىزگى تاقىرىپتار قارالدى. الەمدەگى ۆولونتەرلىكتىڭ جاعدايى تۋرالى 2025 جىلعى باياندامانى، سونداي-اق بۇۇ ەرىكتىلەر باعدارلاماسىنان ورتالىق ازياداعى ۆولونتەرلەردىڭ جاعدايى تۋرالى العاشقى باياندامانى دايىنداۋ ءتاسىلى ۇسىنىلدى.

سەسسيادا سونداي-اق قىرعىزستان، تاجىكستان جانە وزبەكستاننىڭ جەتەكشى ۆولونتەرلىك ۇيىمدارىنىڭ وكىلدەرى ءوز وڭىرلەرىندە ۆولونتەرلىك باعىتتىڭ دامۋى تۋرالى اقپاراتپەن ءبولىسىپ، وڭىرلىك دەڭگەيدە ۆولونتەرلىك باستامالاردى ودان ءارى دامىتۋ تۋرالى ءوز كوزقاراستارىن ءبىلدىردى.

ءىس-شارا مەملەكەتتىك ورگانداردىڭ، حالىقارالىق ۇيىمداردىڭ وكىلدەرىن، سونداي-اق شەتەلدىك ەلشىلىكتەردىڭ وكىلدەرى مەن ۆولونتەرلىك قىزمەت سالاسىنداعى ساراپشىلاردى جينادى، بۇل تاقىرىپتىڭ الەمدىك ارەنادا ماڭىزدىلىعىن كورسەتەدى.

Abai.kz