تۇركى مەملەكەتتەرى پارلامەنتتىك اسسامبلەياسىنىڭ (تۇركپا) شتاب-پاتەرىندە تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا تۇركپا باس حاتشىسى مەحمەت سۋرەيا ەيرمەن كەزدەستى.

اقتوتى رايىمقۇلوۆا شاقىرۋعا العىس ءبىلدىرىپ، ءبىرىنشى كەزەكتە تۇركيا رەسپۋبليكاسىنىڭ قۇرىلعانىنا 100 جىل تولۋىمەن قۇتتىقتادى. كەزدەسۋدە ۇيىم پرەزيدەنتى تۇركى الەمىنىڭ باي مادەنيەتى مەن مۇراسىن قورعاۋ، زەردەلەۋ جانە دارىپتەۋ، تۇركى حالىقتارى اراسىنداعى تاريحي جانە مادەني بايلانىستاردى نىعايتۋ باعىتىنداعى جوبالاردى ىسكە اسىراتىن قوردىڭ قىزمەتى تۋرالى ايتىپ بەردى.

تۇركى مادەنيەتى مەن مۇراسى قورىنىڭ تۇركى مەملەكەتتەرىنىڭ پارلامەنتتىك اسسامبلەياسىمەن ىنتىماقتاستىعىن اتاپ ءوتىپ، اقتوتى رايىمقۇلوۆا تۇركى الەمىنىڭ مادەنيەتى مەن مۇراسىن قورعاۋ جانە ىلگەرىلەتۋ سالاسىنداعى ۇيىمدار اراسىنداعى ارىپتەستىك قاتىناستاردى ودان ءارى كەڭەيتۋگە سەنىم ءبىلدىردى.

كەزدەسۋ بارىسىندا ءوزارا ىنتىقتىماقتاستىقتى كۇشەيتەتىن سۇراقتار بويىنشا پىكىر الماسۋلار، سونداي-اق بىرلەسكەن جوبالاردى ىسكە اسىرۋعا قاتىستى ماسەلەلەر تالقىلاندى.

Abai.kz