ادام قۇقىقتارى جونىندەگى ۋاكىل ارتۋر لاستاەۆ جىل باسىنان بەرى ازاپتاۋ فاكتىلەرى بويىنشا قوزعالعان قىلمىستىق ىستەر تۋرالى مالىمەت بەردى.

«بيىل ۇلتتىق زاڭناماعا ادام قۇقىقتارىن قورعاۋعا، ونىڭ ىشىندە ازاپتاۋدىڭ جولىن كەسۋگە باعىتتالعان بىرقاتار جاڭاشىلدىق ۇسىنىلىپ، ەنگىزىلىپ جاتقانىن بىلەسىزدەر. مىسالى، بيىلدىڭ وزىندە ازاپتادى دەگەن ايىپپەن 45 ادام قىلمىستىق جاۋاپقا تارتىلدى. سول ىستەردىڭ نەگىزىندە سوتتالعاندار دا، ايىپتالۋشىلار دا، كۇدىكتى دەپ تانىلعاندار دا، قاماۋعا الىنعاندار دا بار. 2020-22 جىلدار ارالىعىندا بارلىعى 42 ادام وسىنداي ايىپپەن جاۋاپقا تارتىلعان بولاتىن. سوندا بيىلعى جۇمىستىڭ كورسەتكىشى كەيىنگى 3 جىلدىڭ كورسەتكىشىنەن اسىپ وتىر»، - دەدى ۋاكىل «ادام قۇقىقتارىن قامتاماسىز ەتەتىن حالىقارالىق قۇقىقتىق نورمالاردى ۇلتتىق زاڭناماعا يمپلەمەنتاتسيالاۋ» اتتى حالىقارالىق عىلىمي-پراكتيكالىق كونفەرەنتسيادا.

ونىڭ سوزىنشە، ساياسي پليۋراليزم قالىپتاستىرۋ باعىتىنداعى رەفورمالاردىڭ دا نەگىزگى ماقساتى – ادام قۇقىقتارىن قورعاۋ.

«ناۋرىز ايىنداعى سايلاۋدىڭ قورىتىندىسى بويىنشا، ءماجىلىس پەن ءماسليحاتتار 80 پايىز جاڭاردى. ماجىلىستە 6 ساياسي پارتيانىڭ وكىلدەرى وتىرعانىن بىلەسىزدەر»، - دەدى ول.

فوتو: اشىق دەرەككوزدەن

Abai.kz