باقىتجان ساعىنتاەۆ «ديكي ارمان» مەن قايرات قۇدايبەرگەننىڭ ىسىنە شاقىرىلدى.

2019 جىلدان 2022 جىلدىڭ قاڭتارىنا دەيىن ساعىنتاەۆ الماتى اكىمى بولدى. قاڭتارداعى وقيعالاردان كەيىن قازاقستاندىقتار ونى وتستاۆكاعا جىبەرۋدى تالاپ ەتكەن ەدى.

ارمان جۇماعەلديەۆ، قايرات قۇدايبەرگەن، رۋسلان ىسقاقوۆ جانە باسقا دا ايىپتالۋشىلاردىڭ سوت پروتسەسى 21 قىركۇيەكتە جابىق رەجيمگە اۋىستىرىلعان ەدى. ىستە «قۇپيا» دەگەن بەلگىمەن ءوتىپ جاتقان، بىراق سوعان قاراماستان ءوز ومىرلەرىنەن قورقاتىن جابىرلەنۋشىلەردىڭ ءوتىنىشىن سۋديا بىرنەشە كۇن بويى قارادى. ايىپتالۋشىلاردىڭ ءبىرى – ۇقك 5-ءشى دەپارتامەنتىنىڭ باسشىسى رۋسلان ىسقاقوۆتىڭ مالىمدەمەسىنەن كەيىن باقىلاۋشىلاردىڭ ەشقايسىسى سوت زالى جابىلاتىنىنا كۇماندانباعان.

ايتا كەتەيىك، «ديكي ارمان» 2022 جىلعى 7 قاڭتاردا ۇستالعان. ول قاڭتاردا جاپپاي تارتىپسىزدىكتى ۇيىمداستىردى دەپ ايىپتالدى. باس پروكۋراتۋرا ونى سول وقيعالار كەزىندە ادام ۇرلاپ، ۇرىپ-سوقتى دەپ كۇدىكتەنگەنىن حابارلادى.

فوتو: اشىق دەرەككوزدەن

Abai.kz