ارمەنيا رەسپۋبليكاسى پرەمەر-ءمينيسترىنىڭ اپپاراتى جانە ازەربايجان رەسپۋبليكاسى پرەزيدەنتىنىڭ اكىمشىلىگى بىرلەسكەن مالىمدەمە جاسادى. بۇل تۋرالى اrmenpress حابارلايدى.

«ازەربايجان رەسپۋبليكاسى جانە ارمەنيا رەسپۋبليكاسى وڭىردە كوپتەن كۇتكەن بەيبىتشىلىكتى ورناتۋ ءۇشىن تاريحي مۇمكىندىك تۋىنداعانى جونىندەگى پىكىرگە ورتاق. قوس مەملەكەت تە قارىم-قاتىناستى تۇزەتۋ، سۋۆەرەنيتەت جانە تەرريتوريالىق بۇتىندىك پرينتسيپىنە قۇرمەت نەگىزىندە بەيبىت كەلىسىمگە قول جەتكىزۋ نيەتىن كەزەكتى مارتە قۋاتتايدى»، – دەلىنگەن مالىمدەمەدە.

كەلىسسوزدەر ناتيجەسىندە ەكى ەل اراسىنداعى سەنىمدى نىعايتۋ بويىنشا ەلەۋلى قادامدار قولعا الۋ تۋرالى كەلىسىمگە قول جەتكىزىلگەن.

اتاپ ايتقاندا:

ازەربايجان 32 ارميان اسكەري قىزمەتشىسىن بوساتادى;

ارمەنيا ازەربايجاندىق 2 اسكەري قىزمەتشىنى بوساتادى;

ارمەنيا كليماتتىڭ وزگەرۋى جونىندەگى بۇۇ-نىڭ نەگىزدەمەلىك كونۆەنتسياسىنا قاتىسۋشى تاراپتار كونفەرەنتسياسىنىڭ (سور-29) 29-سەسسياسىن وتكىزۋگە ازەربايجان بەرگەن وتىنىمگە قولداۋ ءبىلدىرىپ، سەسسيانى وتكىزۋگە ءوز كانديداتۋراسىن ۇسىنۋدان باس تارتادى.

ءمالىم ەتىلگەندەي، ارمەنيا جانە ازەربايجان رەسپۋبليكالارى سەنىمدى نىعايتۋعا باعىتتالعان جانە الداعى تاياۋ كەلەشەكتە ىسكە اسىرۋ كوزدەلگەن ءىس-شارالاردىڭ اۋقىمدى كولەمى بويىنشا كەلىسسوزدەردى جالعاستىرۋدا جانە حالىقارالىق قاۋىمداستىقتى بۇل نيەتكە قولداۋ بىلدىرۋگە شاقىردى.

فوتو: اشىق دەرەككوزدەن

Abai.kz