لاۆرەنتەۆ — Allur كومپانيالار توبى ديرەكتورلار كەڭەسىنىڭ توراعاسى. (اتالعان توپ قۇرامىندا "اگروماشحولدينگ" جانە "سارىارقااۆتوپروم" كومپانياسى بار). ArcelorMittal-عا رەبرەندينگ جاسالىپ، كاسىپورىن باسقا اتاۋعا يە بولادى. كاسىپورىننىڭ جاڭا اتاۋى "قارمەت" بولۋى ىقتيمال.

"باسقارۋ قۇقىعى ولارعا الداعى ءبىر-ەكى كۇندە كوشەدى" دەدى جۋرناليستەر سۇراقتارىنا جاۋاپ بەرگەن شارلاپاەۆ.

ونىڭ ايتۋىنشا، قازاقستان ۇكىمەتى مەن امت اراسىندا العاشقى كەلىسسوز بىلتىر لەنين شاحتاسىنداعى اپاتتان كەيىن ياعني، 2022 جىلى 3 قاراشادا باستالعان. كەلىسسوز كەزەڭى 11 راۋندقا سوزىلعان: جەتەۋى 2023 جىلدىڭ قىركۇيەگىنەن كەيىن بولعان. شارلاپاەۆتىڭ سوزىنشە، "ارسەلورميتتال تەمىرتاۋ" اكتيۆىن 3,5 ملرد دوللارعا باعالاعان. الايدا ۇكىمەت پەن حالىقارالىق كەڭەسشىلەر بۇل باعاعا كەلىسپەگەن.

"مەملەكەت اكتيۆتەر قۇنىن $3,5 ملرد-تان $286 ملن-عا دەيىن تومەندەتتى. مامىلەنى جۇزەگە اسىرۋعا مەملەكەتتىك بيۋدجەتتەن ءبىر دە ءبىر تەڭگە جۇمسالعان جوق. جاڭا ينۆەستور ArcelorMittal باس كومپانياسىنىڭ الدىندا 4 جىل ىشىندە $250 ملن سوماسىنداعى قىسقا مەرزىمدى نەسيەنى جانە $450 ملن ۇزاق مەرزىمدى نەسيەنى وتەۋ بويىنشا مىندەتتەمە الادى" دەپ جازىلعان ۇكىمەت حابارلاماسىندا.

شارلاپاەۆ امت-مەن كەلىسىم جونىندە "حالىقارالىق قۇقىق نورمالارىن تولىق ساقتاي وتىرىپ، قۇقىقتىق نەگىزدە جاسالدى" دەپ مالىمدەدى.

اقپاراتقا قاراعاندا، جاڭا ينۆەستور كومبيناتتار مەن شاحتالاردى جاڭارتۋعا 3 ملرد دوللار بولۋگ ءتيىس. بۇعان قوسا، ول امت قىزمەتكەرلەرىنىڭ جالاقىلارى مەن الەۋمەتتىك پاكەتتەرى بويىنشا مىندەتتەمەلەردى ورىنداۋى قاجەت.

28 قازانعا قاراعان ءتۇنى قاراعاندى ماڭىنداعى امت-عا قاراستى كوستەنكو شاحتاسىندا جارىلىس بولىپ، 46 شاحتەر قازا بولاعان. قايعىلى وقيعادان سوڭ قازاقستان بيلىگى قاراعاندى وبلىسىنداعى شاحتالار مەن كەن ورىندارىن "ارسەللورميتتال تەمىرتاۋدان" قايتارىپ الاتىنىن مالىمدەگەن. رەسمي مالىمەت بويىنشا، "ارسەلورميتتال تەمىرتاۋ" نىساندارىندا كەيىنگى 15 جىلدا 120-دەن استام ادام وپات بولعان. شاحتالارعا 30 جىل ۋاقىتتان بەرى ۇندىستاندىق ميللياردەر لاكشمي ميتتالدىڭ "ارسەلورميتتال" كومپانياسى يەلىك ەتكەن.

فوتو: عالامتوردان

Abai.kz