رەسەي كيەۆكە وق جاۋدىردى
بۇگىن تاڭەرتەڭ ساعات 4:00 شاماسىندا رەسەيدىڭ اسكەرى كيەۆتى اتقىلادى، دەپ حابارلادى ۋكراينانىڭ اۋە قارۋلى كۇشتەرى.
بىرنەشە زىمىراننىڭ 8-ءى كيەۆتىڭ اسپانىندا ۇشىپ بارا جاتقاندا جويىلعان.
كيەۆ مەرياسىنىڭ مالىمەتىنشە، اۋە شابۋىلىنان 4 ادام جاراقات العان. ولارعا مەديتسينالىق كومەك كورسەتىلدى.
قازىر باتىس ەلدەرىنىڭ كواليتسياسىندا ۋكراينانى ءارى قاراي قولداۋ ماسەلەسى كۇن تارتىبىندە تۇر. اقش كونگرەسى پرەزيدەنت دجوزەف بايدەننىڭ تاعى بىرنەشە باستاماسىن قولداماي، كەرى قايتاردى. ونىڭ ىشىندە ۋكرايناعا قارجىلاي كومەك كورسەتۋ ماسەلەسى بار. ال ناتو-نىڭ باس حاتشىسى يەنس ستولتەنبەرگ ەگەر ۇيىم رەسەيگە بىرىگىپ قارسى تۇرماسا، ەرتەڭ رف اسكەرى سولتۇستىك اليانس ەلدەرىنە دە قاۋىپ توندىرەتىنىن ەسكەرتتى.
وسى رەتتە گەرمانيانىڭ كانتسلەرى ولاف شولتس بارلىعى بىردەي ۋكرايناعا كومەك كورسەتۋدى ازايتسا دا گفر ۋكراينانى قولداۋدى ءبىر ساتكە توقتاتپايتىنىن مالىمدەدى. ول سوعىستىڭ جۋىق ارادا بىتپەيتىنىن دە جاسىرمادى.
فوتو: عالامتوردان
Abai.kz
