پرەزيدەنت قاسىم-جومارت توقاەۆ «التىن ساپا» جانە «پارىز» سىيلىعىنىڭ لاۋرەاتتارىن ماراپاتتاۋ راسىمىندە بۇرىن امت كومپانياسىنىڭ جاڭا باسشىسىنا قاتاڭ تالاپ قويىلاتىنىن ايتتى، بۇل تۋرالى اقوردا جازادى.

«جاقىندا مەنىڭ تاپسىرماممەن قاراعاندى مەتاللۋرگيالىق كومبيناتىن قازاقستاندىق كومپانيانىڭ مەنشىگىنە بەرۋ ماسەلەسى ءساتتى شەشىلدى. جۇمىستىڭ باستاپقى كەزەڭىندە كومپانياعا كومەكتەسۋ – ۇكىمەتتىڭ ەندىگى مىندەتى. سودان كەيىن كاسىپورىننىڭ جاڭا يەسىنە قاتاڭ تالاپ قويىلادى. كەيبىر وڭىرلەردەگى حالىقتىڭ تىنىس-تىرشىلىگىن قامتاماسىز ەتەتىن ماڭىزدى نىسانداردا اپاتتاردىڭ جيىلەپ كەتۋى بۇكىل ەلىمىزدەگى ينجەنەرلىك جانە ەنەرگەتيكالىق ينفراقۇرىلىمداردى جاڭعىرتۋ اسا قاجەت ەكەنىن ايقىن كورسەتتى»، - دەدى مەملەكەت باسشىسى.

پرەزيدەنتتىڭ ايتۋىنشا، بۇل ماسەلە ونداعان جىل بويى نازاردان تىس قالىپ، شەشىمىن تاپپاي كەلەدى.

«مەملەكەت قىسقا مەرزىمدە رەۆيزيا جۇرگىزىپ، قولدانىستاعى گەنەراتسيالاۋشى قۋات كوزدەرىن جوندەۋدە، جاڭا نىسانداردى ىسكە قوسۋدا، جىلۋ جانە باسقا دا ينجەنەرلىك جەلىلەردى جاڭارتۋدا جۇيەلى جۇمىستارعا كىرىستى. اتاپ ايتقاندا، بيىل ەلىمىزدىڭ باتىسىندا ەلەكتر جەلىلەرىنىڭ وتكىزۋ مۇمكىندىگىن ەكى ەسەدەن استام ارتتىرۋعا ىقپال ەتكەن اۋقىمدى جوبا جۇزەگە اسىرىلدى»، - دەدى ول.

ەسكە سالساق، قازاقستان ۇكىمەتى «ارسەلورميتتالتەمىرتاۋ» كومپانياسىن 286 ملن دوللارعا ساتىپ الدى. كەيىن كومپانيا كاسىپكەر اندرەي لاۆرەنتەۆتىڭ قولىنا ءوتتى. كومپانيا اتاۋى رەسمي تۇردە «QARMET» بولىپ وزگەرتىلدى.

Abai.kz