ءبىزدىڭ قوعام «قىزى-ىق كينو» سياقتى... قالاي باسىلىمدارعا جازىلۋ باستالدى، بيلىك بىلەگىن ءتۇرىپ، اكىمدەر «اڭگىمە» ايتىپ كەتەدى. امالسىزدان «بازار جوق!» دەپ جازىلا كەتەسىڭ! كوز الدىڭىزعا «بوەبىك» كينوداعى اتىسىپ-شابىسىپ جۇرەتىن  كەيپكەرلەردى ەلەستەتىپ كورىڭىزشى؟  وندا مەن مىنا ساتيرانى باسقاشا جازامىن: انە، وبلىس اكىمى مۇزداي قارۋلانىپ العان، پيستولەتىن شىعاردى دا، كابينەتىندەگى مەكتەپ ديرەكتورلارى مەن باسقارما باستىقتارىنا باعىتتاپ:

- «جاعىمپاز» گازەتىنە جازىلىم باستالدى. وبلىس بويىنشا مەملەكەتتىك باسىلىمعا  ەلۋ مىڭنان اسا ادام جازىلاتىن بولسىن! ءولىپ كەتكەن اتالارىڭ مەن اجەلەرىڭنىڭ اتتارىنان دا جازدىرا بەرىڭدەر، ساۋابى تيەدى...-دەدى.

- «جاس الاش» گازەتى شىندىقتى جازادى، سوعان جازىلامىن دەگەندەر كوپ...-دەپ قالدى بىرەۋ.

  ءبىزدىڭ قوعام «قىزى-ىق كينو» سياقتى... قالاي باسىلىمدارعا جازىلۋ باستالدى، بيلىك بىلەگىن ءتۇرىپ، اكىمدەر «اڭگىمە» ايتىپ كەتەدى. امالسىزدان «بازار جوق!» دەپ جازىلا كەتەسىڭ! كوز الدىڭىزعا «بوەبىك» كينوداعى اتىسىپ-شابىسىپ جۇرەتىن  كەيپكەرلەردى ەلەستەتىپ كورىڭىزشى؟  وندا مەن مىنا ساتيرانى باسقاشا جازامىن: انە، وبلىس اكىمى مۇزداي قارۋلانىپ العان، پيستولەتىن شىعاردى دا، كابينەتىندەگى مەكتەپ ديرەكتورلارى مەن باسقارما باستىقتارىنا باعىتتاپ:

- «جاعىمپاز» گازەتىنە جازىلىم باستالدى. وبلىس بويىنشا مەملەكەتتىك باسىلىمعا  ەلۋ مىڭنان اسا ادام جازىلاتىن بولسىن! ءولىپ كەتكەن اتالارىڭ مەن اجەلەرىڭنىڭ اتتارىنان دا جازدىرا بەرىڭدەر، ساۋابى تيەدى...-دەدى.

- «جاس الاش» گازەتى شىندىقتى جازادى، سوعان جازىلامىن دەگەندەر كوپ...-دەپ قالدى بىرەۋ.

- كىمنىڭ اۋزى جىبىرلادى؟-دەپ سۇرادى اكىم. مەنىڭ قاسىمدا «تالان-تاراج» باسقارماسىنىڭ باستىعى وتىرعان. «مەنىڭ اۋزىم ايتىپ قالدى..» دەپ مىڭگىرلەگەنى سول، وبلىس اكىمى ونى اتىپ سالدى. وق جۇرەگىنە كىرە الماي، مايىسىپ، كويلەگىن جىرتقانى بولماسا، باسەكەڭ باسىن يزەپ، اكىمنەن كەشىرىم سۇراپ جاتتى. سودان كەيىن اكىم جازىلىم جوسپارىنا كىرگەن مەملەكەتتىك باسىلىمداردىڭ ءتىزىمىن وقىپ بەردى. جەكەمەنشىك گازەتتەرگە بۇيرەگى بۇرىلمايتىنىن ايتتى. وسى جيىلىستان سوڭ ءبىر مەكتەپ ديرەكتورى   گرانات الىپ، اۆتومات اسىنىپ، مۇعالىمدەردى  ءماجىلىس زالىنا جيناپ الىپتى دا: «ءبارىڭ «جاعىمپاز» گازەتىنە جازىلاسىڭدار!»-دەيدى عوي. «ايلىعىمدى تولىق العىم كەلىپ ەدى...» دەپ مىڭگىرلەگەن ادەبيەتشى قىزدىڭ باسىنا گرانات لاقتىرعان ەكەن، قاسىنداعى قۇربىسى ەتەگىمەن قاعىپ ۇلگەرىپتى ايتەۋىر... گرانات جارىلىپ، كويلەگىنىڭ ەتەگى جانا باستاعان ەكەن. ونى وزگەلەر تۇكىرىكتەپ ارەڭ ءوشىرىپتى. سول ەكەن، مۇعالىمدەر جاپپاي «جاعىمپاز» گازەتىنە التى ايعا جازىلا باستاعان، جۇمىستان شىعىپ كەتۋدەن قورىققان  ماتەماتيكا ءپانىنىڭ مۇعالىمى داۋىستاپ: «گازەت سو-ونداي «قىزىق!» قازاقستان جاعىمپازدارى تۋرالى بىردەن ءبىر باسىلىم. مەن بۇل گازەتكە بىردەن ەلۋ جىلعا جازىلامىن!»- دەيدى.

- ويباي-اۋ، قازىر ءوزىڭ قىرىقتاسىڭ. سوندا نە، توقسان جاس جاسايمىسىڭ؟-دەگەن ديرەكتور اۆتوماتىمەن اتىپ جىبەرگەندە، وقتار اشەيىن كوبەلەك بولىپ ۇشىپتى! مۇنىڭ ءبارىن ماعان ايەلىم ايتىپ كەلدى. تاريح پانىنەن ساباق بەرەتىن ايەلىمنەن اينالايىن، «جاعىمپاز»، «بيلىكتىڭ بانتيگى»، «شەنەۋنىك»، «ۇكىلى ۇكىمەت»، «سەن ارى تۇر»، «سەناتور»، «جاسىل ەكونوميكا» «قىزىل ينفراقۇرىلىم» «كوكپەڭبەك قۇرىلىس»، «قوڭىر نارىق»  گازەتتەرىنە جازىلعانىن ايتقاندا، اۋزىم «و» ارپىندەي بولىپ اشىلىپ، قايتىپ جابىلماي قالدى! ءبىر اي ايلىق المايدى ەندى... جەتپىسكە كەلگەن اجەمىز بار ەدى، پەنسياسىن الۋعا بارسا، پوشتاشى «جاعىمپاز» گازەتى مەن «سەكس» جۋرنالىنا كۇشتەپ جازدىرتىپتى. اكەم دە «جاعىمپاز» گازەتىنە ەرىكسىز جازىلعان.  ۋنيۆەردە وقيتىن ۇلىم مەن قىزىم دا «جاعىمپازعا» جىعىلىپتى. ءبىر كەزدە ءبىرىنشى سىنىپتا وقيتىن قىزىم كەلدى ارسالاڭداپ.

- اكە اقشا بەرشى!

- ە؟

- اپاي ايتىپ جاتىر، «جاعىمپاز» گازەتىنە جازىلاسىڭدار دەپ.

- ويباي-اۋ، بۇل گازەتتى تۇسىنبەيسىڭدەر عوي؟

- مەكتەپتە پەراشكى جەگەندە قولدارىڭ ماي بولمايدى، وسى گازەتكە وراپ الاسىڭدار دەيدى...

 «قالايدا «جاس الاشقا» جازىلامىن!» دەپ تىستەنىپ، ەرتەڭىنە باستىعىمنىڭ الدىنا كىردىم.

- ءبىزدىڭ ۇيگە التى  «جاعىمپاز» گازەتى كەلەدى ەكەن. مەن بۇل گازەتتىڭ ورنىنا  «جاس الاش» گازەتىنە جازىلايىنشى...—دەپ ءوتىندىم.

- نە، وپپوزيتسياعا كەتتىڭ بە؟ مەن دە ولگەننىڭ كۇنىنەن «جاعىمپازعا» جازىلىپ وتىرمىن. «گازەتى كوپ ءۇي-- بەرەكە، گازەتى جوق ۇي—كەلەكە!»—دەپ كەلەسى بولمەگە جەتەلەپ اپاردى. زەڭبىرەك تۇر ەكەن. قورىققانىمنان ەكىنشى مارتە «جاعىمپاز» گازەتىنە جازىلىپ كەتتىم. ءبىر ايدان كەيىن ءبىزدىڭ ۇيگە گازەت جاۋادى! گازەتتەن سورپا قايناتىپ ىشەمىز! «گازەت كورپە» جامىلىپ جاتامىز! كەلىنىم بوسانايىن دەپ جاتىر. قۇداي قالاسا، نەمەرەمنىڭ اتىن گازەتبەك قويامىن! ءبىزدىڭ ۇيگە كەلىڭىزدەر، جابىلا گازەت جينايمىز... ايتپاقشى، «جاس الاش» گازەتىن الا كەلىڭىزدەرشى، «ءمۇجىپ» وقيىق!

Abai.kz