ءۇش كۇندە قار قۇرساۋىنان مىڭنان اسا ادام قۇتقارىلدى، دەپ حابارلادى پوليتسيا. 

10 جەلتوقساننان باستاپ قازاقستاننىڭ باسىم بولىگىندە قولايسىز مەتەورولوگيالىق جاعدايلار، كەيبىر وڭىردە ەكسترەمالدى جاعدايلار بايقالدى. جول قوزعالىسى قاۋىپسىزدىگىن قامتاماسىز ەتۋ ءۇشىن تاسجولداردا پوليتسيا قىزمەتكەرلەرى كۇشەيتىلگەن تارتىپپەن قىزمەت ەتىپ جاتىر. كەيبىر ايماقتىڭ جولدارىنداعى پاترۋلدىك ەكيپاجدار سانى 2-3 ەسە كوبەيتىلدى.

«قازاۆتوجول» مەن پوليتسيانىڭ ەسكەرتۋلەرىنە قاراماستان كەيبىر جۇرگىزۋشىلەر تاسجولدارعا شىعىپ كەتىپ، تەك پوليتسەيلەردىڭ كومەگىمەن عانا قايعىلى وقيعالاردىڭ الدىن الاتىن جاعدايلارعا تاپ بولۋى دا كەزدەسىپ جاتىر.

12 وبلىستا حالىقارالىق، رەسپۋبليكالىق جانە جەرگىلىكتى ماڭىزى بار اۆتوجولداردىڭ ۋچاسكەلەرى جابىلدى. بارلىعى – 100 ۋچاسكەدەن استام. جۇمىس ىستەپ جاتقان جىلىتۋ پۋنكتەرىنىڭ سانى – 500. جولداردا سۋىققا توڭازىعان 1 مىڭ 12 ادام قۇتقارىلدى. ونىڭ 25-ءى – بالا، – دەلىنگەن پوليتسيا حابارلاماسىندا.

سونداي-اق 1 مىڭ 100 جۇرگىزۋشىگە كومەك كورسەتىلدى.

فوتو: polisia.kz

Abai.kz