جاقسىلىق ۇشكەمپىروۆ اتىنداعى جەكپە-جەك سارايىندا وتكەن ماتچتىڭ العاشقى مينۋتىندا-اق ءبىرجان ورازوۆ ەسەپ اشىپ، جانكۇيەرلەردى ءبىر جەلپىندىرىپ تاستادى.

اراعا 7 مينۋت سالىپ دۋگلاس جۋنيور قارسىلاستار قاقپاسىنان ساڭىلاۋ تاۋىپ، ەسەپتى ەسەلەي ءتۇستى. ەكىنشى تايمدا قوس تاراپ ۇزدىكسىز شابۋلداعانىمەن گول تىركەلمەدى. وسىلايشا، 2:0 ەسەبىمەن جەڭىسكە جەتكەن قازاقستاندىقتار الەم چەمپيوناتىنا جولداما الدى.

ا توبىندا ونەر كورسەتكەن قازاقستان قۇراماسى 12 ۇپايمەن كوش باستادى. ەكىنشى ورىنعا 7 ۇپاي يەلەنگەن رۋمىنيا قۇراماسى تۇراقتاسا، ءۇشىنشى ورىنعا ءازىربايجان جايعاستى. ال نيدەرلاندتىقتار 1 ۇپايمەن توپتى تۇيىندەپ تۇر.

اتالعان شەشۋشى ماتچقا پرەزيدەنت قاسىم-جومارت توقاەۆ ارنايى كەلىپ قولداۋ ءبىلدىردى. سونداي-اق، مەملەكەت باسشىسىمەن بىرگە كاسىپقوي بوكستان WBO, IBF تۇجىرىمدارى بويىنشا الەم چەمپيونى جانىبەك ءالىمحانۇلى، قفف پرەزيدەنتى ادىلەت بارمەنقۇلوۆ، فۋتبولدان قازاقستان ۇلتتىق قۇراماسىنىڭ باس باپكەرى ماگومەد اديەۆ جانە قاقپاشى يگور شاتسكي دا قاتىستى.

فوتو: اقوردا

Abai.kz