ونىڭ سوزىنشە، گەرمانيادا جانە باسقا ەلدەردە تۇرىپ جاتقان 25 جاستان 60 جاسقا دەيىنگى ەر ازاماتتار ۋكراينا قارۋلى كۇشتەرىنىڭ اسكەرگە شاقىرۋ بولىمشەلەرىنە كەلۋى ءتيىس.
"بارلىعى ءۇشىن ادىلەتتى بولسىن دەپ جاتامىز، ويتكەنى ماسەلە ءبىزدىڭ قاۋىپسىزدىگىمىز جايىندا. ولارعا شاقىرۋ جىبەرەمىز. ازىرگە اسكەردەن قاشقاندارعا قانداي شارا قولدانىلادى بەلگىسىز، بىراق ونى تالقىلاپ جاتىرمىز", - دەدى ۋمەروۆ.
ۋكراينا رەسەي شابۋىلدارىنىڭ مىسىن قايتارۋ ءۇشىن 450-500 مىڭ اسكەردى موبيليزاتسيالاماق. ۋكراينا پرەزيدەنتى ۆلاديمير زەلەنسكي سەيسەنبى كۇنى وتكىزگەن ءباسپاسوز ءماسليحاتىندا موبيليزاتسيا وتە سەزىمتال تاقىرىپ ەكەنىن ايتقان.
"ارميادان ميلليونعا جۋىق ادامدى موبيليزاتسيالاۋ ءوتىنىشىن العاننان كەيىن ءتيىستى باسشىلارعا اسكەرگە شاقىرۋ جوسپارىن ازىرلەۋدى تاپسىردىم", – دەگەن زەلەنسكي.
ۋكراينا مەملەكەتتىك ستاتيستيكا قىزمەتىنىڭ مالىمەتىنە سايكەس، 2022 جىلى بۇل ەلدە 18 جاستان 60 جاسقا دەيىنگى 11 ميلليون ەر ادام تۇرعان.
فوتو: اشىق دەرەككوزدەن
Abai.kz
