جەڭىس قاسىمبەكتىڭ سوزىنشە، الىپ قۇرىلىستى اياقتاۋعا ەكى نەمەسە ەكى جارىم جىل كەرەك، دەپ حابارلايدى Ulysmedia.kz

– قۇرىلىستى اياقتاۋعا ەكى نەمەسە ەكى جارىم جىل كەرەك. قارجىلاندىرۋ بولعان جاعدايدا… – دەدى قاسىمبەك وكق الاڭىندا.

ەسكە سالا كەتەيىك، بۇعان دەيىن كولىك ءمينيسترى مارات قاراباەۆ استاناداعى  LRT قۇرىلىسىنا 2023 جىلى 45 ملرد تەڭگە، ال جۇمىس اۋقىمى كەڭەيسە،150 ملرد تەڭگەگە دەيىن سۇرالاتىنىن مالىمدەگەن ەدى.

ەلوردادا جەڭىل رەلستى جوبانى جۇزەگە اسىرۋ 2011 جىلى باستالعانىمەن، ونىڭ جىرى جىلدارعا ۇلاستى. ەلوردادا قالا اكىمدەرى اۋىستى – ولاردىڭ كەيبىرەۋلەرى جوبانى قابىلدامادى. سوعان قاراماستان “جەمقورلىقتىڭ ەسكەرتكىشى” دەگەن لاقاپ اتقا يە بولعان LRT-گە اقشا بولىنگەن. بۇعان دەيىن استانادا LRT ءىسى بويىنشا سوتتالۋشىلاردىڭ ۇكىمى وزگەرىسسىز قالعانى حابارلانعان بولاتىن.

فوتو: اشىق دەرەككوزدەن

Abai.kz