اقش 20 كۇننەن بەرى حابار-وشارسىز جاتقان اباقتىداعى ورىس وپپوزيتسيونەرى الەكسەي ناۆالنىيدىڭ تاعدىرىنا الاڭدايدى. بۇل جايىندا قۇراما شتاتتاردىڭ مەملەكەتتىك حاتشىسى ەنتوني بلينكەن "ح" الەۋمەتتىك جەلىسىنە جازدى.

ء"بىز تاعى دا ونى بوساتۋعا جانە رەسەيدەگى قۋعىنداۋدى توقتاتۋعا شاقىرامىز", - دەدى بلينكەن.

ناۆالنىيدىڭ جاقتاستارى ودان 20 كۇننەن بەرى حابار جوق ەكەنىن مالىمدەگەن.

ناۆالنىي سوڭعى رەت 19 جىل جازا مەرزىمىن وتەپ جاتقان ۆلاديمير وبلىستىق تۇرمەسىندە ەمەس ەكەنىن بىلدىرگەن. ودان كەيىن ودان حابار-وشار بولماعان.

رەسەيدىڭ جازانى اتقارۋ قىزمەتى 12 جەلتوقساندا ناۆالنىيدى باسقا تۇرمەگە اۋىستىرعانى جونىندە مالىمدەگەن.

47 جاستاعى ناۆالنىي 2021 جىلدىڭ قاڭتار ايىنان بەرى قاماۋدا وتىرعان. بيىل تامىزدا ول "ەكسترەميستىك باعىتتاعى ۇيىم قۇردى جانە قارجىلاندىردى" دەگەن ايىپپەن 19 جىلعا ەركىنەن ايىرىلعان. وعان دەيىن يۆ-روشە ءىسى بويىنشا ايىپتالىپ، توعىز جىلدىق جازاسىن وتەپ جاتقان. ناۆالنىي وزىنە تاعىلعان ايىپتاردى مويىندامايدى.

ول 2021 جىلدىڭ باسىندا رەسەيگە گەرمانيادان ەمدەلىپ كەلگەننەن كەيىن قامالعان. حالىقارالىق قۇقىق قورعاۋ ۇيىمدارى ونى ساياسي تۇتقىن رەتىندە تانىعان.

فوتو: اشىق دەرەككوزدەن

Abai.kz