بۇل تۋرالى سوتتىڭ ءباسپاسوز قىزمەتىنە سۇيەنگەن قازتاگ اگەنتتىگى حابارلادى.
بۇعان قوسا، ءدىلمانوۆتىڭ دۇنيە-مۇلكى تاركىلەنىپ، گەنەرال-لەيتەنانت اسكەري اتاعىنان ايىرىلادى. وعان مەملەكەتتىك قىزمەتتە ىستەۋگە تىيىم سالىندى.
ءدىلمانوۆ 2022 جىلعى ماۋسىمدا قاماۋعا الىندى. قىلمىستىق ىسكە قازاق-قىتاي شەكاراسىنداعى كەدەن بەكەتتەرىندەگى زاڭسىز سحەما تۇرتكى بولعان.
بۇل ىستە بىرقاتار ادامعا ۇكىم شىقتى. ءبىرى بەس جىلعا سوتتالدى، ەكىنشى ادامعا 38 ميلليون تەڭگەدەن استام ايىپپۇل سالىندى. قالعان ايىپتالۋشىلار ءۇش جىل التى ايدان بەس جىل التى ايعا دەيىن باس بوستاندىعىن شەكتەۋ جازاسىن الدى، بىراق ولاردىڭ مۇلكى تاركىلەنبەدى.
ءدىلمانوۆ 2022 جىلى ساۋىردە ۇقك توراعاسىنىڭ ورىنباسارى - شەكارا قىزمەتىنىڭ ديرەكتورى قىزمەتىنەن بوساتىلعان ەدى. ول 1998 جىلدان بەرى ۇقك شەكارا قىزمەتىنە جۇمىس ىستەپ، 2015 جىلى ماۋسىمدا شەكارا قىزمەتىنە ديرەكتور بولىپ تاعايىندالعان.
قازاقستان پرەزيدەنتى قاسىم-جومارت توقاەۆ 2022 جىلعى قاڭتار وقيعاسىنان كەيىن قازاق-قىتاي شەكاراسىنداعى كەدەن بەكەتتەرىندە كونتراباندا مەن جەمقورلىق ماسەلەسىنە نازار اۋدارىپ، ونى جويۋدى تاپسىردى. وسىدان سوڭ ەلدە قىتايمەن شەكاراداعى كەدەندەرگە قاتىستى تەكسەرىس باستالعان.
قازاق-قىتاي شەكاراسىنداعى كەدەن بەكەتتەرىندە جۇك كولىكتەرى ءجيى كەدەرگىگە تاپ بولىپ، اپتالاپ كەزەكتە تۇرىپ قالادى. ساۋداگەرلەر دە كەدەننەن ءوتۋ قيىن ەكەنىن ءجيى ايتاتىن.
نۇر-سۇلتان قازاق-قىتاي شەكاراسىندا جەمقورلىقتىڭ سالدارىنان كەدەن الىمدارىنان ونداعان ميلليارد دوللار بيۋدجەتكە تۇسپەي قالعان دەپ كۇدىكتەنەدى.
Abai.kz
