باسەكەلەستىكتى قورعاۋ جانە دامىتۋ اگەنتتىگى Kcell, Tele2, Altel جانە Beeline ۇيالى بايلانىس وپەراتورلارىنا قاتىستى تەرگەۋ باستادى. ولار باسەكەلەستىككە قارسى كەلىسىلگەن ارەكەتتەر جاسادى دەگەن كۇدىككە ءىلىنىپ وتىر.

قازاقستاندىقتاردىڭ شاعىمدارى بويىنشا اگەنتتىك ۇيالى بايلانىس قىزمەتتەرىنىڭ تاريفتىك جوسپارلارىنىڭ شارتتارىنا جانە باعالاردىڭ وزگەرۋ قارقىنىنا تالداۋ جاسادى.

"2023 جىلى ۇيالى بايلانىس وپەراتورلارىنىڭ تاريفتىك جوسپارلارى بويىنشا باعانىڭ 7,7%-دان 57,3%-عا دەيىن ايتارلىقتاي ءوسۋى تىركەلگەنى انىقتالدى. وسىلايشا، 2023 جىلدىڭ مامىر-شىلدە ايلارى ارالىعىندا ۇيالى بايلانىس وپەراتورلارى وزدەرىنىڭ رەسمي سايتتارىندا اقپارات جاريالاپ، اي سايىنعى ابونەنتتىك تولەمى بار 30-دان استام تاريفتىك جوسپارلار بويىنشا كورسەتىلەتىن قىزمەتتەردىڭ قۇنىن ەلەۋلى قىمباتتاتقان", - دەپ حابارلادى اگەنتتىكتەگىلەر.

كۇنتىزبەلىك جىلدا باسەكەلەستىككە قارسى كەلىسىلگەن ارەكەتتەر بەلگىلەرىنىڭ بىرنەشە رەت انىقتالۋىنا بايلانىستى "كسەلل" اق، "مت-س" جشس (Tele2/Altel) جانە "كار-تەل" جشس (Beeline) ۇيالى بايلانىس وپەراتورلارىنا قاتىستى تەرگەۋ باستالدى.

تەرگەۋ كاسىپكەرلىك كودەكستىڭ 170-بابى بويىنشا جۇرگىزىلىپ جاتىر.

فوتو: عالامتوردان

Abai.kz