«سامۇرىق-قازىنا» قورىنىڭ باسشىسى رەسەيلىك ارىپتەستەرمەن ەنەرگەتيكا ماسەلەلەرى بويىنشا كەلىسسوز جۇرگىزدى.

مەملەكەت باسشىسىنىڭ سانكت-پەتەربۋرگ قالاسىنا جۇمىس ساپارى اياسىندا «سامۇرىق-قازىنا» اق باسقارما توراعاسى نۇرلان جاقىپوۆ «فيرما ورگرەس» كومپانياسىنىڭ ديرەكتورلار كەڭەسىنىڭ توراعاسى سۇلتان ياحياەۆپەن جانە «ينتەر راو — ەكسپورت» باس ديرەكتورى ماكسيم سەرگەەۆپەن كەزدەستى.

كەزدەسۋ قورىتىندىسى بويىنشا «سامۇرىق-قازىنا» اق مەن «ينتەر راو — ەكسپورت» كومپانياسى اراسىندا كوكشەتاۋ، سەمەي جانە وسكەمەن قالالارىندا ءۇش جەو سالۋ جوبالارى، سونداي-اق «سامۇرىق-ەنەرگو» اق مەن «فيرما ورگرەس» كومپانياسى اراسىندا ەكىباستۇز گرەس-2-دە رەسەيلىك جابدىقتى پايدالانا وتىرىپ، № 3 جانە № 4 ەنەرگوبلوك سالۋ جونىندە ىنتىماقتاستىق تۋرالى كەلىسىمگە قول قويىلدى.

قوس تاراپ ەنەرگەتيكا سالاسىندا ارىپتەستىك پەن ينفراقۇرىلىمدى دامىتۋ جونىندە تاجىريبە الماسۋعا نيەتتى ەكەنىن جەتكىزدى.

فوتو: «سامۇرىق-قازىنا» قورى

Abai.kz