ازەربايجان ورتالىق سايلاۋ كوميسسياسى (وسك) 26 جەلتوقساندا پرەزيدەنت بولۋعا ۇمىتكەر رەتىندە تاعى 8 كانديداتتى بەكىتتى. 

اتاپ ايتقاندا، سارۆان كەريموۆتىڭ، ماتلاب ءمۋتالليمليدىڭ، ابۋتالىب سامەدوۆتىڭ، فيكرەت ءيۋسيفوۆتىڭ، يۋسيف باگيرزادەنىڭ، يۋنۋس وگۋزدىڭ جانە گۋلامگۋسەين اليبەيليدىڭ كانديداتۋرالارى بەكىتىلدى.

جەرگىلىكتى باق-تىڭ مالىمەتىنشە، سارۆان كەريموۆ بۇعان دەيىن عىلىمي جۇمىسپەن اينالىسقان. ماتلاب مۋتالليملي مەن ابۋتالىب سامەدوۆ – پارلامەنتتىڭ ەكس-دەپۋتاتتارى. فيكرەت يۋسيفوۆ بۇعان دەيىن قارجى مينيسترلىگىن باسقارعان، يۋسيف باگيرزادە ەكس-دەپۋتات جانە وسك-نىڭ ەكس-مۇشەسى. يۋنۋس وگۋز –«ولايلار» گازەتىنىڭ باس رەداكتورى، گۋلامگۋسەين اليبەيلي – پارلامەنتتىڭ ەكس-دەپۋتاتى.

وسىلايشا، بەكىتىلگەن ۇمىتكەرلەر سانى 15 ادامعا جەتتى.

ەسكە سالايىق، 19 جەلتوقساندا ورتالىق سايلاۋ كوميسسياسى «جاڭا ازەربايجان» پارتياسى اتىنان
ءىس باسىنداعى پرەزيدەنت يلحام اليەۆتىڭ كانديداتۋراسىن بەكىتتى.

سونداي-اق وسك زاحيد ءورۋدجتى (پارلامەنت دەپۋتاتى), فازيل مۋستافانى (دەپۋتات، «ۇلى جاسامپازدىق» پارتياسىنىڭ باسشىسى), ەلشاد مۋساەۆتى («ۇلى ازەربايجان» پارتياسىنىڭ توراعاسى), گۋدرات گاسانگۋليەۆتى ء(بىرتۇتاس ازەربايجان حالىق فرونتى پارتياسىنىڭ توراعاسى) جانە رازي نۋراللاەۆتى («ۇلتتىق فرونت» پارتياسىنىڭ توراعاسى) بەكىتتى.

تالاپقا سايكەس، كانديدات وسك-دا تىركەلۋى ءۇشىن كەم دەگەندە 60 سايلاۋ وكرۋگىندە تۇراتىن 40 مىڭ داۋىس بەرۋشىنىڭ قولتاڭباسىن ۇسىنۋى ءتيىس.

ازەربايجاندا كەزەكتەن تىس پرەزيدەنت سايلاۋى كەلەر جىلدىڭ 7 اقپانىنا بەلگىلەنگەن.

ەسكە سالايىق، ەلدىڭ ورتالىق سايلاۋ كوميسسياسى تاعى 8 كانديداتتى پرەزيدەنتتىككە ۇمىتكەر رەتىندە بەكىتۋ ماسەلەسىن قاراستىرىپ جاتقانىن جازعان بولاتىنبىز.

فوتو: اشىق دەرەككوزدەن

Abai.kz