جەلىدە تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين باسقا قىزمەتكە اۋىساتىنى تۋرالى اقپارات تارادى. مينيسترلىكتىڭ ءباسپاسوز قىزمەتى بۇل اقپاراتقا قاتىستى جاۋاپ بەردى، - دەپ حابارلايدى Tengrinews.kz.

"تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى بۇگىنگى كۇنى ءوز قىزمەتىندە. تارالىپ جاتقان اقپارات شىندىققا جاناسپايدى", - دەلىنگەن ءباسپاسوز قىزمەتىنىڭ حابارلاماسىندا.

ايتا كەتەيىك، مۋسين بۇل قىزمەتكە 2020 جىلدىڭ 2 قىركۇيەگىندە تاعايىندالعان بولاتىن.

باعدات مۋسين 1983 جىلى 3 ناۋرىزدا پاۆلودار وبلىسىندا دۇنيەگە كەلدى. سۇلەيمەن دەميرەل اتىنداعى ۋنيۆەرسيتەتتى جانە قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن.

2011 جانە 2012 جىلدار ارالىعىندا قر بام مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ ورىنباسارى بولدى. 2012 جىلدان باستاپ قر كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ لاۋازىمىن اتقاردى. 2014 جىلدىڭ ساۋىرىندە "ۇلتتىق اقپاراتتىق تەحنولوگيالار" اق باسقارما توراعاسى بولىپ تاعايىندالدى.

فوتو: gov.kz

Abai.kz