بۇل تۋرالى دەپۋتات ەرمۇرات باپي دانات نامازباەۆتىڭ ادۆوكاتى جانار بالعاباەۆاعا سىلتەمە جاساپ حابارلايدى، دەپ جازادى Ulysmedia.kz.

– دانات نامازباەۆتى ۋدو-عا شىعارۋ جونىندە ادۆوكات جانار بالعاباەۆانىڭ شاعىمىمەن قوناەۆ وبلىستىق سوتىنىڭ وتىرىسى ءوتتى. قازاقتاردىڭ نامىسىن قورعاپ، فەيسبۋكتا ورىس شوۆينيستەرىمەن ديسكۋسسياعا ءۇشىن سوتتى بولعان داناتتىڭ جازاسىن جەڭىلدەتۋ جونىندەگى ءوتىنىش قابىلدانبادى. وكىنىشتى! پرەزيدەنت توقاەۆتىڭ "ەگەمەن قازاقستان" گازەتىنە بەرگەن سۇحباتىندا ايتىلعان ىزگى پىكىرلەردەن كەيىن، ءتيىستى جازالاۋشى ورگاندار مەيىربان شەشىم قابىلداۋى كەرەك ەدى. ولاي بولمادى! ياعني، قوعامدى شەڭگەلدەپ ۇستاۋدى ماقسات ەتكەن "قىرعيلاردىڭ" ۇستەمدىگى ءالى دە ءجۇرىپ تۇر دەگەن ءسوز! سوندىقتان رەفورمالار ءالى دە جالعاسۋى كەرەك، پرەزيدەنت مىرزا! بىزدەگى وزگەرىستەردىڭ اۋىلى ءالى دە الىس! – دەپ جازادى دەپۋتات ەرمۇرات باپي الەۋمەتتىك جەلىدە.

ەسكە سالا كەتەيىك، «ۇلتارالىق ارازدىقتى قوزدىردى» دەگەن ايىپپەن جازاسىن وتەپ جاتقان بەلسەندى دانات نامازباەۆ تۇرمەدەن حات جازىپ، «شارتتى تۇردە مەرزىمىنەن بۇرىن بوساتۋدى كۇتەتىنىن» حابارلاعان ەدى.

Abai.kz