F.A.C.C.T. كومپانياسىنىڭ قىزمەتكەرى نيكيتا كيسليتسين قازاقستاننان رەسەيگە ەكستراديتسيالاندى. بۇل دەرەكتى قر باس پروكۋراتۋراسىنىڭ ءباسپاسوز قىزمەتى راستادى.

اتاپ ايتقاندا، 2023 جىلدىڭ 21 جەلتوقسانىندا كيسليتسين ءتيىستى ءتارتىپ بويىنشا ءوز ەلىنە ەكستراديتسيالانعان.

بۇدان بۇرىن حابارلانعانداي، 2023 جىلى ماۋسىم ايىندا باس پروكۋراتۋرا رەسەي ازاماتى، ءىت سالاسىنىڭ مامانى نيكيتا كيسليتسين اقش-تىڭ سۇراۋى بويىنشا قازاقستاندا ۇستالعانىن راستاعان ەدى.

وسى رەتتە قازاقستان جاعى بۇل ءىس جان-جاقتى زەرتتەلەتىنىن مالىمدەگەن ەدى. وسىدان كەيىن عانا كۇدىكتىنى ەكستراديتسيالاۋ نەمەسە بەرمەۋ جونىندە شەشىم جاسالاتىنى ايتىلدى.

سونىمەن قاتار، رەسەي جاعى دا كيبەرقىلمىسقا قارسى باعدارلامالىق قامتاماسىز ەتۋ كومپانياسىنىڭ دەپارتامەنت باسشىسى نيكيتا كيسليتسينگە ىزدەۋ جاريالادى.

ماسكەۋدىڭ اۋداندىق سوتى ونى قاماۋعا الۋ جونىندە شەشىم جاساعان.

ول زاڭمەن قورعالاتىن كومپيۋتەرلىك اقپاراتقا زاڭسىز قول جەتكىزگەن دەگەن كۇدىككە ىلىنگەن.

فوتو: اشىق دەرەككوزدەن

Abai.kz