جەتىسۋ وبلىسىندا اسكەرگە اتتانعانىنا ءۇش اي عانا بولعان سارباز كوز جۇمدى، دەپ حابارلايدى Ulysmedia.kz.

ءامىر بايتۇرعانوۆ سپورتپەن تۇراقتى اينالىسىپ كەلگەن. 2023 جىلدىڭ 21 جەلتوقسانىندا ونىڭ وتباسىنا جاعىمسىز حابار جەتىپ، ءامىردىڭ كوماعا ءتۇسىپ قالعانى ايتىلعان. كوپ ۇزاماي جاس جىگىت قايتىس بولعان.

بىرەر كۇن بۇرىن جاۋىنگەرلىك جاتتىعۋلاردان كەيىن ءامىر ءوزىن ناشار سەزىنىپ، قىزۋى كوتەرىلىپ دەرەۋ اۋرۋحاناعا جاتقىزىلىپتى. دارىگەرلەر ىستىعىن ۋاقىتشا تۇسىرە العان كورىنەدى.

قورعانىس مينيسترلىگى باس اسكەري-مەديتسينالىق باسقارما باسشىسىنىڭ ورىنباسارى بەرىك ءىلياسوۆ ساربازدىڭ ولىمىنە ءجىتى ينفەكتسيالىق مەنينگيت سەبەپ بولۋى مۇمكىن دەيدى.

بىراق تۋىستارى ءولىمنىڭ بۇعان سەنبەيدى. ولاردىڭ ايتۋىنشا، ۇلى ۇزاق ۋاقىت بويى بۇيرەگى اۋىراتىنىنا شاعىمدانىپ كەلگەن.

«بۇعان دەيىن ول بۇيرەك اۋرۋى بويىنشا مەديتسينالىق بولىمشەگە بىرنەشە رەت جۇگىنگەن. 28 قاراشادا ول بولىمشەنىڭ مەديتسينالىق قىزمەتىنىڭ باسشىسىنا ۋدز جاساتۋ ءۇشىن حابارلاسقان. تەك 6 جەلتوقساندا قالاعا بارىپ، ۋدز-گە ءتۇسىپ، ەكى جاقتى پيەلونەفريت دەگەن دياگنوز قويدى. مەديتسينالىق بولىمشەگە سول كۇنى تۇسكەنىمەن 3 كۇن عانا ەمدەلدى»، – دەدى مۇرات بايتارعانوۆ.

تۋىستارى ولىمگە ۇزاققا سوزىلعان پيەلونەفريت سەبەپ بولدى دەپ ەسەپتەپ، قايعىلى وقيعانىڭ ءادىل زەرتتەلۋىنە ۇمىتتەنەدى. قورعانىس مينيسترلىگى بۇيرەك اۋرۋى مەن ءولىم اراسىنداعى بايلانىستى جوققا شىعارۋدا.

Abai.kz