قىرعىزستان جاڭا مەملەكەتتىك تۋىن كوتەردى
بىشكەكتىڭ باس الاڭىندا سالتاناتتى جاعدايدا بۇعان دەيىن جوگوركۋ كەنەش قابىلداعان ەلدىڭ جاڭارتىلعان مەملەكەتتىك تۋىن كوتەرۋ ءراسىمى ءوتتى.
ءىس-شاراعا قىرعىز رەسپۋبليكاسى مينيسترلەر كابينەتىنىڭ توراعاسى اقىلبەك جاپاروۆ، مەملەكەتتىك حاتشى سۋيۋنبەك قاسمامبەتوۆ جانە باسقا دا مەملەكەتتىك قىزمەتكەرلەر قاتىستى.
ەسكە سالا كەتسەك، 2023 جىلعى 20 جەلتوقساندا قىرعىزستان پارلامەنتىنىڭ دەپۋتاتتارى «قىرعىز رەسپۋبليكاسىنىڭ مەملەكەتتىك رامىزدەرى تۋرالى» قىرعىز رەسپۋبليكاسىنىڭ زاڭىنا وزگەرىستەر ەنگىزۋ تۋرالى» زاڭ جوباسىن ەكىنشى جانە ءۇشىنشى وقىلىمدا تالقىلاۋسىز قابىلداعان بولاتىن. 22 جەلتوقساندا قىرعىز رەسپۋبليكاسىنىڭ پرەزيدەنتى سادىر جاپاروۆ مەملەكەتتىك تۋدى وزگەرتۋ تۋرالى زاڭعا قول قويدى. ول 26 جەلتوقساندا كۇشىنە ەندى.
2024 جىلدىڭ 1 قاڭتارىندا تاڭەرتەڭ ەلدىڭ جاڭا، ديزاينى باسقا مەملەكەتتىك تۋى كوتەرىلدى. بۇل الەۋمەتتىك جەلى قولدانۋشىلارى اراسىندا بەلسەندى تالقىلاندى.
فوتو: اشىق دەرەككوزدەن
Abai.kz
