اقمولا وبلىسىنىڭ پوليتسەيلەرى كوكشەتاۋ – قوستاناي اينالما جولىندا ەسىرتكى كۋرەرىن قولعا ءتۇسىردى، دەپ حابارلادى Halyq Uni.

ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ارنايى وپەراتسيا ناتيجەسىندە a-PvP پسيحوتروپتىق زاتىنىڭ تارالۋىن توقتاتتى. ەسىرتكىنى جاسىرىن سالۋشى ءجۇرىپ كەلە جاتقان اۆتوكولىك كوكشەتاۋ – قوستاناي اينالما جولىندا توقتاتىلدى. جەكە ءتىنتۋ كەزىندە جەدەل قىزمەتكەرلەر 38 جاستاعى جۇرگىزۋشىدەن سالماعى 111 گرامنان اساتىن سينتەتيكالىق ەسىرتكى پاكەتىن تاركىلەدى. اتالعان ەسىرتكى زاتى – 300 دوزاعا جۋىق، قارا نارىقتاعى قۇنى – 2,5 ملن تەڭگە. پوليتسەيلەر اۆتوكولىك سالونىنان ەسىرتكىنى جاسىرىن سالۋعا ارنالعان ەلەكتروندى تارازىلار، قاپسىرمالارى بار سومكەلەر جانە تاسپا تاپتى.

ەر ادامنىڭ ەلوردادا تۇراتىنى انىقتالدى جانە ۇستالۋدان بىرنەشە كۇن بۇرىن ءموبيلدى قوسىمشا ارقىلى ەسىرتكى كۋرەرى بولىپ جۇمىسقا ورنالاسقان بولىپ شىقتى. كۋراتوردان الىنعان نۇسقاۋلار بويىنشا ول جاسىرىن سالاتىن ەسىرتكىنى كوكشەتاۋ اۋماعىنا تاراتۋعا ءتيىس بولاتىن.

وسى ماقساتتا ول اقمولا ءوڭىرىنىڭ وبلىستىق ورتالىعىنا بارعان. بۇل فاكتىنى پوليتسەيلەر قر قك-ءنىڭ 296-بابى 4-بولىگى («ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس») بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەدى، – دەلىنگەن حابارلامادا.

جابىرلەنۋشى ۇستالدى جانە ۋاقىتشا ۇستاۋ يزولياتورىنا قاماۋعا الىندى.

ايتا كەتۋ كەرەك، 2023 جىلى اقمولا وبلىسىنىڭ ەسىرتكىگە قارسى پوليتسەيلەرى زاڭسىز اينالىمنان 17 كەلىدەن استام سينتەتيكالىق ەسىرتكى تاركىلەگەن.

Abai.kz