ماڭعىستاۋ وبلىسىنىڭ ورتالىعى  اقتاۋ قالاسىندا قازاقستانداعى ەڭ كۇشتى ادامداردى انىقتاۋعا ارنالعان ايرىقشا تۋرنير بولىپ ءوتتى. بۇل تۋرالى «تۋمبا.كز» پورتالى حابارلادى.
سپورت تىلىندە «سترونگەن» دەپ اتالاتىن بۇل جارىسقا اقتاۋ، جاڭاوزەن، اتىراۋ، الماتى جانە استانا قالالارىنان كەلگەن الىپتار قاتىستى. قارا كۇشتىڭ قارىمىن تانىتاتىن سايىستا ولار بىرنەشە كەزەڭنەن تۇراتىن سىناقتاردان ءوتتى.ەڭ ۇزدىك سترومەن اتاعىن جەڭىپ الۋعا ۇمىتكەرلەرگە التى كەزەڭنەن تۇراتىن سايىس ۇسىنىلدى.
كۇشتىلەردىڭ باسەكەسىنە ماڭعىستاۋ وبلىسى بوديبيلدينگ جانە فيتنەس فەدەراتسياسىنىڭ پرەزيدەنتى اناتولي جدانوۆ، ۋكراينالىق ۆلاديمير رەكشا، اتىراۋلىق سەرگەي پەرەديستىي قازىلىق جاسادى.
سپورتشىلار نەگىزگى باسەكەگە دەيىن ارمرەستلينگ، ياعني قول كۇرەسى بويىنشا ءبىر-بىرلەرىن سىناپ كوردى. سودان سوڭ سالماعى 320 كگ بولاتىن ۇلكەن شينانى التى مارتە اۋدارىپ تاستاۋ بويىنشا كۇش سىناستى. كەلەسى كەزەكتە ءاربىرىنىڭ سالماعى 820 كگ بولاتىن ەكى قاپتى 20 مەتر قاشىققا توقتاماستان الىپ بارۋ ءباسىن باستان كەشىردى. مۇنىڭ بارىندە ۋاقىت تا ەسەپتەلدى. ولاردىڭ قورىتىندىسىندا جاس پەرى دميتري نارانوۆ   بارىنەن ارتىق كورىندى.

ماڭعىستاۋ وبلىسىنىڭ ورتالىعى  اقتاۋ قالاسىندا قازاقستانداعى ەڭ كۇشتى ادامداردى انىقتاۋعا ارنالعان ايرىقشا تۋرنير بولىپ ءوتتى. بۇل تۋرالى «تۋمبا.كز» پورتالى حابارلادى.
سپورت تىلىندە «سترونگەن» دەپ اتالاتىن بۇل جارىسقا اقتاۋ، جاڭاوزەن، اتىراۋ، الماتى جانە استانا قالالارىنان كەلگەن الىپتار قاتىستى. قارا كۇشتىڭ قارىمىن تانىتاتىن سايىستا ولار بىرنەشە كەزەڭنەن تۇراتىن سىناقتاردان ءوتتى.ەڭ ۇزدىك سترومەن اتاعىن جەڭىپ الۋعا ۇمىتكەرلەرگە التى كەزەڭنەن تۇراتىن سايىس ۇسىنىلدى.
كۇشتىلەردىڭ باسەكەسىنە ماڭعىستاۋ وبلىسى بوديبيلدينگ جانە فيتنەس فەدەراتسياسىنىڭ پرەزيدەنتى اناتولي جدانوۆ، ۋكراينالىق ۆلاديمير رەكشا، اتىراۋلىق سەرگەي پەرەديستىي قازىلىق جاسادى.
سپورتشىلار نەگىزگى باسەكەگە دەيىن ارمرەستلينگ، ياعني قول كۇرەسى بويىنشا ءبىر-بىرلەرىن سىناپ كوردى. سودان سوڭ سالماعى 320 كگ بولاتىن ۇلكەن شينانى التى مارتە اۋدارىپ تاستاۋ بويىنشا كۇش سىناستى. كەلەسى كەزەكتە ءاربىرىنىڭ سالماعى 820 كگ بولاتىن ەكى قاپتى 20 مەتر قاشىققا توقتاماستان الىپ بارۋ ءباسىن باستان كەشىردى. مۇنىڭ بارىندە ۋاقىت تا ەسەپتەلدى. ولاردىڭ قورىتىندىسىندا جاس پەرى دميتري نارانوۆ   بارىنەن ارتىق كورىندى.
سايىسشىلار بۇدان سوڭ بورەنە كوتەرۋدەن جانە «فەرمەردىڭ شابادانىن» الىپ جۇرۋدەن شامالارىن بايقاتتى. بۇلاردىڭ الدىڭعىسى تۇسىنىكتى، ال ەكىنشىسى ءاربىرى 120 كيلو كەلەتىن تەمىر جاشىكتى 40 مەترگە تەزدەتىپ اپارۋدى مەگزەيدى. وسىلاردىڭ سوڭىنان «يىناعاشتى» الماستىرۋ جاتتىعۋى ورىندالدى. بۇلاردا دا ەششكىم د.نارانوۆتىڭ الدىنا تۇسە العان جوق. ال يىناعاش دەپ وتىرعانى - سالماعى 320 كگ بولاتىن بەلتەمىر. ونى يىقتا ويناتىپ، 20 مەتر جەرگە جۇگىرىپ بارۋ كەرەك. مۇندا دا د.نارانوۆ الدا بولدى. وعان الگىندەگى قاشىقتىقتى الۋ ءۇشىن 10 سەكۋند جەتىپ جاتتى. ال ەڭ سوڭىنان 250 كيلولىق اتكەنشەكتى اينالدىرۋ سايىسى كۇتىپ تۇردى. ونى دميتري ەسكوۆ  ءۇش، رومان كۋشيانوۆ  بەس، ال دميتري نارانوۆ سەگىز رەت اينالدىردى.
سونىمەن، قورىتىندىدا دميتري نارانوۆتىڭ جەڭىمپاز اتانعانى ەشكىمنىڭ كۇمانىن تۋدىرمادى. ەكىنشى ورىنعا رومان كۋشيانوۆ شىقسا، ءۇشىنشى بەكەتكە اندرەي پيۆوۆار ورنالاستى.
مۇنىڭ ارعى جاعىنداعى ورىندار بىلاي بولىسكە ءتۇستى:
4 - الەكسەي پيسارەۆسكي، 5- ماقسات اقشۋاقوۆ، 6  دميتري ەسكوۆ، 7  ارىسلان سۇيىنشاليەۆ، 8  مارات دوسانوۆ، 9  ارتۋر ساپارنيازوۆ.
ەندى باس جۇلدەگەر د.نارانوۆ تۋرالى بىرەر ءسوز. ونىڭ بۇل سالاعا كەلگەنىنە 9 جىل بولىپتى. ماقساتى ارىقتاۋ بولعان. ءسال كەيىن كۇش ەكستريمىنە اۋىسقان. بىلتىر وسىنداي سايىسقا ءبىرىنشى رەت كەلىپ، ءۇشىنشى بولعان ەكەن. سونداي-اق وتكەن جىلى سترونگمەن بويىنشا الەمدىك جارىسقا قاتىسىپ، پلانەتانىڭ 12-ءشى كۇشتى ادامى اتانىپتى.
جەڭىمپازدار مەن جۇلدەگەرلەرگە باعالى جانە اقشالاي سىيلىقتار بەرىلدى.
مىنە، قازاقستاننىڭ ماڭعىستاۋدا انىقتالعان قازىرگى زامانعى الىپتارى وسىلار.
سۇلتان بوزايعىر.

Abai.kz