تۇركىستاننان ابۋ-دابيگە جاڭا اۋە رەيسى اشىلدى.

رەيس بيلەتتەرى 2023 جىلدىڭ قاراشا ايىنان باستاپ wizzair.com سايتى مەن ءموبيلدى قوسىمشاسىندا ساتىلىمعا شىققان. باعاسى – 19 مىڭ تەڭگە شاماسىندا. بۇل ءباا-ءنىڭ 159 ديرحامىنا تەڭ.

ۇشاق تۇركىستان قالاسىنان ءابۋ-دابيگە 16 قاڭتاردان باستاپ ۇشادى. رەيستەر اپتاسىنا 3 رەت — سەيسەنبى، بەيسەنبى، سەنبى كۇندەرى زاماناۋي «AirBus 321» جانە «A321 ceo» ۇشاقتارى ارقىلى ورىندالادى. تۇركىستان اۋەجايىنىڭ ماماندارى ۇسىنعان مالىمەتكە سۇيەنسەك، قازىرگى كەزدە ءبىرىنشى رەيسكە 168 اۋە بيلەتى ساتىلعان.

جولاۋشىلار رەيستى ۇشۋ ۋاقىتىنان 3 ساعات بۇرىن ەشقانداي كوميسسياسىز وزگەرتە الادى. ال وسى باعىتتا ۇشۋ ۋاقىتى — 3 ساعات.

جاڭا باعىت قوس قالا تۇرعىندارى مەن قوناقتارى ءۇشىن تۋريستىك مۇمكىندىكتەردى كەڭەيتەدى.

ايتا كەتەيىك، قازىرگى تاڭدا تۇركىستان حالىقارالىق اۋەجايى ىستامبۇل جانە ەل-كۋۆەيت جانە ەلىمىزدىڭ استانا، الماتى، اقتاۋ، اقتوبە، ورال جانە قاراعاندى اۋە باعىتتارىنا قىزمەت كورسەتىپ كەلەدى.

Abai.kz