قايرات ساتىبالدىنىڭ ۇستىنەن سالىق تولەۋدەن جالتارۋ فاكتىسىمەن سوتقا دەيىنگى تەرگەۋ ءجۇرىپ جاتىر.  بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ حابارلادى.

«اگەنتتىك قىلمىستىق جولمەن الىنعان كىرىستەردى جىلىستاتۋ فاكتىسى بويىنشا قىلمىستىق كودەكستىڭ 218-بابى 3-تارماعىنىڭ 3 بولىگىمەن سوتقا دەيىنگى تەرگەۋدى اياقتاپ، سوتقا جىبەردى. قايرات ساتىبالدى قىلمىستىق جولمەن الىنعان جانە زاڭسىز اقشادان تۇسكەن پايداعا ءتۇرلى مۇلىكتى، ونىڭ ىشىندە شەتەلدەن دە ساتىپ العان. اقشانى قازاقستان اۋماعىنداعى جانە شەتەلدەگى بانك شوتىنا سالعان»، - دەدى ارمان تىلەۋكەنوۆ.

سونىمەن قاتار ونىڭ ايتۋىنشا، مۇنان بولەك قايرات ساتىبالدىنىڭ ۇستىنەن سالىق تولەۋدەن جالتارۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر.

فوتو: اشىق دەرەككوزدەن

Abai.kz