ونىڭ 2,8 ملن گەكتارى جەرگىلىكتى فەرمەرلەرگە، وڭىرلەردىڭ تۇرعىندارىنا قايتا ءبولىندى. بۇدان بولەك، وسىعان دەيىن پايدالانىلماعان 3,4 ميلليون گەكتار جەردى يەلەرى يگەرۋگە كىرىستى. 

مەملەكەت باسشىسى ءوز جولداۋىندا زاڭسىز ۇلەستىرىلگەن جانە پايدالانىلماي بوس جاتقان 10 ملن گەكتار جەردى مەملەكەت مەنشىگىنە قايتارۋ تۋرالى تاپسىرما بەرگەن بولاتىن.  ۇكىمەت بۇل تاپسىرمانى 2022-2023 جىلدارى تولىق ورىندادى.   بۇگىندە اۋىل شارۋاشىلىعى مينيسترلىگى ەلدىڭ ستراتەگيالىق رەسۋرسىن ۇتىمدى پايدالانۋ جونىندەگى مىندەتتەر كەشەنىن ىسكە اسىرۋدى جالعاستىرۋدا. ال نەگىزگىلەرىنىڭ ءبىرى – اۋىلدىق وكرۋگتەردەگى ەلدى مەكەندەردىڭ اينالاسىنداعى جايىلىم تاپشىلىعىن ازايتۋ.

2023 جىلى ينتەراكتيۆتى كارتا جاڭارتىلدى Jerkarta.gharysh.kz, وندا قازىر بارلىق قايتارىلعان اۋىلشارۋاشىلىق جەرلەرىنىڭ ورنالاسقان جەرى مەن اۋدانى كورسەتىلگەن. سونداي-اق، جايىلىمدىق جەرلەردە تاپشىلىققا ۇشىراعان اۋماقتاردىڭ ورنالاسقان جەرى تۋرالى دەرەكتەردى ينتەراكتيۆتى كارتاعا ەنگىزۋ جۇمىستارى اياقتالدى. بۇل قايتارىلعان جەر ۋچاسكەلەرىن ەسكەرە وتىرىپ، قاجەت بولعانسا جايىلىمعا جەر بەرۋ ءۇشىن ايماقتىڭ بۇكىل بەينەسىن انىق كورۋگە مۇمكىندىك بەرەدى.

قىزمەتتى قاعازسىز كورسەتۋ جانە جەر ۋچاسكەلەرىن بەرۋ ءراسىمىن اۆتوماتتاندىرۋ ءۇشىن جمبمك اج ىسكە قوسىلدى. اقپاراتتىق جۇيە اشىق تۇردە جۇمىس ىستەيدى، پايدالانۋشىلارعا جاريا كاداسترلىق كارتادا جەرگىلىكتى اتقارۋشى ورگاندارعا وعان قۇقىق بەرۋ تۋرالى ءوتىنىش بەرۋ ءۇشىن ۋچاسكەنى تاڭداۋعا مۇمكىندىك بەرەدى. استانا، الماتى، شىمكەنت قالالارىندا، وبلىستىق جانە اۋداندىق ماڭىزى بار قالالاردا جەر ۋچاسكەلەرىن بەرۋدىڭ ەلەكتروندىق ءتارتىبى زاڭنامالىق تۇردە ەنگىزىلدى. تسيفرلىق اۋىل شارۋاشىلىعى كارتالارى جاسالۋدا. 2023 جىلدىڭ قورىتىندىسى بويىنشا بارلىعى 145 ملن گا اۋىل شارۋاشىلىعى جەرلەرى تسيفرلاندىرىلدى، بۇل ەلىمىزدىڭ اۋىل شارۋاشىلىعى القاپتارىنىڭ 77% قۇرايدى. اۋىل شارۋاشىلىعى جەرلەرىن تسيفرلاندىرۋدى تولىعىمەن 2025 جىلى اياقتاۋ جوسپارلانىپ وتىر.

جەردى ساپالى جانە ۇتىمدى پايدالانۋدى ارنايى قۇرىلعان مەملەكەتتىك ينستيتۋت – "گيپروزەم" رمك قاداعالايتىن بولادى. كاسىپورىن ەكونوميكالىق باعالاۋ، جەر مونيتورينگى، توپىراق، گەوبوتانيكالىق، توپىراققا اگروحيميالىق زەرتتەۋلەر جۇرگىزبەك. بارلىق اۋىل شارۋاشىلىعى جەرلەرىن تسيفرلاندىرۋ اياقتالعاننان كەيىن توپىراقتىڭ ساپالىق سيپاتتامالارى مەن جايىلىمدىق جەرلەردىڭ جەم-ءشوپ سىيىمدىلىعى بار جەكە اشىق ەلەكتروندىق كارتا قۇرىلادى.

فوتو: عالامتوردان

Abai.kz