شىعارماشىلىق سالاعا تۇسەتىن تالاپكەرلەر ءۇشىن ۇبت-2024 فورماتى وزگەرىسسىز قالادى. ياعني، بۇرىنعىشا تەستىلەۋ كەزىندە ەكى ءپاندى عانا تاپسىراتىنىن حابارلادى عىلىم جانە جوعارى ءبىلىم ءمينيسترى ساياسات نۇربەك.

"ۇبت-2024 سىزدەر ءۇشىن وزگەرىسسىز قالعانىن حابارلاۋعا قۋانىشتىمىن. ءسىز تەك ەكى پاننەن تەست تاپسىراسىز: «قازاقستان تاريحى» (20 تاپسىرما، شەكتى بالل – 5) جانە «وقۋ ساۋاتتىلىعى» (10 تاپسىرما، شەكتى بالل – 3). تاپسىرمانى ورىنداۋ ۋاقىتى – 70 مينۋت. ال شىعارماشىلىق ەمتيحاننىڭ ءوزى جوعارى وقۋ ورىندارىندا وتەدى", – دەدى ساياسات نۇربەك.

مينيستر قازاقستان رەسپۋبليكاسى عىلىم جانە جوعارى ءبىلىم مينيسترلىگى نەگىزگى ۇبت-نى ەكى رەت تاپسىرۋ جانە ۇزدىك ناتيجەمەن گرانتتار بايقاۋىنا قاتىسۋ مۇمكىندىگىن رەسمي تۇردە بەلگىلەگەنىن ەسكە سالدى.

سونىمەن قاتار، 2024 جىلعى تالاپكەرلەردىڭ جوو-عا اقىلى نەگىزدە ءتۇسۋ ءۇشىن قاڭتار، ناۋرىز جانە تامىز ايلارىندا تەستىلەۋدەن وتۋگە مۇمكىندىگى بار ەكەنىن  ايتتى.

فوتو: Sputnik

Abai.kz