بانك نەسيە بەرۋ كەزىندە ءسىزدىڭ جالاقى كورسەتكىشىڭىزدى سۇراعانىمەن، ونى تەكسەرىپ جاتپايدى. ناتيجەسىندە قازاقستاندىقتاردىڭ 38%-ى بانكتەن نەسيە الۋ كەزىندە تابىس دەڭگەيىن اسىرىپ كورسەتەدى. سايىپ كەلگەندە، ءاربىر ءۇشىنشى ازامات جالاقىسىنا جەتۋ ءۇشىن نەسيە الۋعا ءماجبۇر ەكەن. بۇل تۋرالى Abai.kz اقپارات پورتالى ينفورمبيۋرو جاڭالىقتار بولىمىنە سىلتەمە جاساپ حابارلايدى.

ساراپشىلار مۇنى سوڭعى ەكى جىلدا ازىق-تۇلىك سەبەتى، قۇرىلىس ماتەريالدارى، كيىم-كەشەك، قىزمەت كورسەتۋ باعاسى ەكى ەسەگە قىمباتتاۋىمەن بايلانىستىردى. وسىلايشا رەسپوندەنتتەردىڭ 36%-عا جۋىعى جالاقىعا جەتۋ ءۇشىن نەسيە الاتىن بولىپ شىقتى.

“قازىر ورتاشا جالاقى 200-250 مىڭ تەڭگە شاماسىندا. بۇل ەشتەڭەگە جەتپەيتىنى تۇسىنىكتى. بۇل جاعداي قاشان شەشىلەدى؟ مەنىڭ ويىمشا، ەكونوميكانىڭ تۇراقتانۋىنا دەيىن 3-5 جىل بار. ينفلياتسيا تومەندەگەندە، بيزنەسكە جۇمىس ورىندارىن قۇرۋ وڭايىراق بولادى. بۇل مەملەكەتتىڭ تەڭگەرىمدى بيۋدجەت ساياساتىن جۇرگىزۋىنە دە بايلانىستى”، – دەپ تۇسىندىرەدى قارجى ساراپشىسى راسۋل رىسمامبەتوۆ.

فوتو: اشىق دەرەككوزدەن

Abai.kz