ماماندار كوكتەمدە سۋ باسۋ قاۋپىن ازايتۋ ءۇشىن 5 ملرد تەڭگەنىڭ جوباسىن ۇسىنىپ وتىر. قاراجات توپىراق ۇيىندىلەرىن بەكىتۋ مەن شليۋزدەردى ورناتۋعا جۇمسالادى.

پاۆلودار وبلىسىندا كوكتەمگى سۋ تاسقىنى كەزەڭىندە قاۋىپتى ايماقتىڭ ءبىرى – باياناۋىل ايماعى. نەگىزگى قاۋىپ اششىسۋ، ايدوس، بالا شىدەرتى، قاراسۋ وزەندەرىنەن ءتونىپ تۇر. ەلدى مەكەندەردى سۋ باۋ قاۋپىن ازايتۋ ءۇشىن بىلتىر اۋدانداعى جاڭاتىلەك، ساتباەۆ، ۇزىنبۇلاق، جاڭاجول اۋىلدىق وكرۋگتەرىندە جالپى كولەمى 6,7 مىڭ گەكتار كولتابانداردى قالپىنا كەلتىرۋ جۇمىستارى باستالعان.

«بۇل جوبانى جۇزەگە اسىرۋ شامامەن 5 ملرد تەڭگە قاراجات قاجەت. ول وزەندەر اينالاسىنا توپىراق ءۇيىندىسىن سالۋ جانە شليۋزدەر ورناتۋعا باعىتتالادى. بۇعان قوسا سۋ جينالاتىن كولتاباندار جازدا شالعىنعا اينالىپ، وڭىردەگى مال شارۋاشىلىعىنىڭ دامۋىنا وڭ اسەر ەتەدى»، - دەلىنگەن وڭىرلىك توتەنشە جاعدايلار دەپارتامەنتىنىڭ حابارلاسىندا.

فوتو: اشىق دەرەككوزدەن

Abai.kz