سەنبى كۇنى كەشكىسىن اق ءۇي ماڭىندا نارازىلىق شاراسى ءوتىپ، پالەستينا جاقتاستارىنىڭ اگرەسسيۆتى توبى قورشاۋدى ءبۇلدىردى. بۇل تۋرالى New York Post جازدى.

شەرۋ قارقىن العان كەزدە عيمارات قىزمەتكەرلەرى مەن باق وكىلدەرى ساقتىق شاراسى رەتىندە ەۆاكۋاتسيالاندى. قورشاۋ جارتىلاي اۋىستىرىلدى جانە نارازىلىق بىلدىرۋشىلەر قورعالاتىن اۋماققا كىرمەۋ ءۇشىن پوليتسيانىڭ شارا قولدانۋىنا تۋرا كەلدى.

قۇپيا قىزمەت وكىلدەرى اق ءۇيدىڭ قورشاۋى بۇلىنگەنىمەن، ونىڭ ىشىندەگى اكىمشىلىك عيماراتتار بۇزىلماعانىن مالىمدەدى.

كەيبىر نارازىلىق بىلدىرۋشىلەر ۇكىمەت قىزمەتكەرلەرىنە سۋ قۇيىلعان بوتەلكەلەر مەن پالەستينا تۋىنىڭ تاياقشالارىن لاقتىرسا، باسقالارى قورشاۋدان اسىپ كەتپەك بولعان. ەشكىم قاماۋعا الىنبادى.

مىڭداعان نارازىلىق ءبىلدىرۋشى اقش پرەزيدەنتى دجو بايدەنگە قارسى نەگاتيۆتى ۇراندار ايتىپ، ونى گازا سەكتورىنداعى يزرايلدىك اسكەري ارەكەتتى توقتاتۋعا شاقىردى. «ءسىز بالالاردى ءولتىرۋدى قولدايسىز!»، «بايدەننىڭ قولى قاندا»، «گازا امان بولسىن» دەپ ۇراندادى ولار.

ميتينگىدە 100 كۇنگە سوزىلعان قاقتىعىستا گازا سەكتورىندا قازا تاپقانداردىڭ كوپتىگى ايتىلدى. سونىمەن قاتار بايدەن اكىمشىلىگىنىڭ وتكەن ايدا ەۆرەي مەملەكەتىنە قۇنى 106 ميلليون دوللار بولاتىن 14 مىڭعا جۋىق تانك وق-دارىلەرى ارقىلى يزرايلگە قولداۋ بىلدىرگەنى تالقىلاندى.

Abai.kz