قازاقستان جازۋشىلار وداعىنىڭ تۇڭعىش توراعاسى، اقىن، قوعام قايراتكەرى ءىلياس جانسۇگىروۆتىڭ قىزى دارىندى ۇستاز، يلفا ىلياسقىزى 89 جاسقا قاراعان شاعىندا ومىردەن وزدى، دەپ حابارلايدى Qaz365.kz.

بۇل تۋرالى ونىڭ قىزى جانار جاندوسوۆا Facebook-تەگى پاراقشاسىندا جاريالادى.

يلفا ىلياسقىزى 1935 جىلى 29 مامىردا الماتىدا دۇنيەگە كەلگەن. الايدا 1937 جىلى «حالىق جاۋىنىڭ» وتباسى دەپ ايىپتالىپ، ەل ءىشىن كەزىپ جۇرۋگە جانە سوعىس جىلدارىندا جامبىل وبلىسىنىڭ مەركى اۋىلىنا قونىستانۋعا ءماجبۇر بولعان.

1950 جىلداردىڭ باسىندا الماتىدا يلفا جانسۇگىروۆا شەت تىلدەر ينستيتۋتىنا ءتۇسىپ، بىتىرگەننەن كەيىن پوليتەحنيكالىق ينستيتۋتتا نەمىس ءتىلىنىڭ وقىتۋشىسى بولىپ جۇمىس ىستەدى. ساتباەۆ اتىنداعى قازاق پەداگوگيكالىق ينستيتۋتىندا، اباي، قازكسر پەداگوگيكالىق قوعامىنىڭ عىلىمي حاتشىسى، سونداي-اق قازكسر عىلىم اكادەمياسىنىڭ شەت تىلدەرى كافەدراسىنىڭ وقىتۋشىسى بولعان.

«1958 جىلى يلفا جانسۇگىروۆا سانجار جاندوسوۆقا ۇيلەندى، بەس بالا تاربيەلەپ ءوسىردى. يلفا جاندوسوۆا تەك باتىر انا، جوعارى كاسىبي مۇعالىم عانا ەمەس، سۇيىكتى جار بولعان. سانجار جاندوسوۆ ومىردەن وتكەنگە دەيىن 34 جىل بىرگە ءومىر ءسۇردى. يلفا جانسۇگىروۆا 1999 جىلى ءىلياس پەن فاتيما عابيتوۆانىڭ شىعارمالارىن زەرتتەۋگە، جاريالاۋعا جانە اۋدارۋعا، مۇراعات جۇمىسىنا، مەكتەپتەر مەن مۇراجايلارعا كومەكتەسكەن. سونداي-اق ءىلياس جانسۇگىروۆ قوعامدىق قورىن قۇردى جانە باسقاردى. ول «مەنىڭ تاعدىرىمداعى ءىز» اتتى ەستەلىكتەر كىتابىن جازدى. سوڭعى ۋاقىتقا دەيىن يلفا ىلياسقىزى قازاقستاننىڭ ازاماتتىق قوزعالىسىن بەلسەندى قولدادى»، – دەلىنگەن حابارلامادا.

Abai.kz