پاۆلودار وبلىسى «مايقايىڭالتىن» اق اۋماعىندا شۇڭقىرعا قۇلاپ كەتكەن قىزمەتكەرلەردىڭ زاتتارى تابىلىپ جاتىر، دەپ حابارلايدى Halyq Uni.

توتەنشە جاعدايلار مينيسترلىگىنىڭ حابارلاۋىنشا، اۆتوبۋس ورنالاسۋى مۇمكىن جەردە قازبا جۇمىستارى جۇرگىزىلىپ جاتىر. ىزدەۋ بارىسىندا اۆتوبۋستىڭ سىنعان بولشەكتەرى، وتتەگى باللونى، تىنىس الۋ اپپاراتى جانە قۇتقارۋشىنىڭ سومكەسى تابىلدى.

ماماندار ىزدەۋ جۇمىستارىنىڭ توپىراقتىڭ ۇنەمى قوزعالىپ، سىرعۋىنا بايلانىستى قيىنداپ جاتقانىن حابارلادى.

بۇعان دەيىن توتەنشە جاعدايلار ءمينيسترىنىڭ ورىنباسارى باۋىرجان سىزدىقوۆ مايقايىڭ كەنىشىندە شۇڭعىرعا ءتۇسىپ كەتكەن اۆتوبۋستاعى 2 ادام ءتىرى بولۋى مۇمكىن ەكەنىن ايتتى.

ماماندار جەردى سكانەرلەگەندە اۆتوبۋستىڭ تۇرعان جەرىن بولجادى. قۇرىلعى ول جەردە مەتالل بار ەكەنىن كورسەتتى. بۇرىن ونىڭ استىندا بوس كەڭىستىك بارى ايتىلدى. سوندىقتان قۇتقارۋشىلارىمىز بەن ماماندار وتە كۇردەلى جاعدايدا جۇمىس ىستەپ جاتىر. كۇن سۋىق. قۇتقارۋشىلاردىڭ دا ومىرىنە قاۋىپ ءتونىپ تۇر.

سەبەبى، توپىراق جىلجىسا، ونداعى جۇمىس ىستەپ جاتقان تەحنيكا جەرگە ءتۇسىپ كەتۋى مۇمكىن. بارلىق قاۋىپسىزدىك ساقتالىپ جاتىر. اۆتوبۋس جاتقان ىقتيمال جەرگە جاقىندادىق. 2 مىڭ تەكشە مەتر توپىراق شىعارىلدى. ەندى ەسكالاتور جۇمىس ىستەپ، اقىرىن توپىراقتى شىعارىپ جاتىرمىز، - دەدى باۋىرجان سىزدىقوۆ ءماجىلىس كۋلۋارىندا.

ايتا كەتەيىك، پاۆلودار وبلىسى ماڭقايىڭ كەنىشىندەگى شۇڭعىرعا ءتۇسىپ كەتكەن اۆتوبۋستا بارلىعى 4 ادام بولعان. 2 قۇتقارۋشىنىڭ دەنەسى تابىلدى. قۇتقارۋشىلار قالعان ەكى ادامدى ءالى ىزدەپ جاتىر.

فوتو: توتەنشە جاعدايلار مينيسترلىگى

Abai.kz