ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى زەينەتاقىنىڭ ورتاشا مولشەرىن جاريالادى.

ۆەدومستۆو مالىمەتىنشە، 2023 جىلى رەسپۋبليكالىق بيۋدجەتتەن 2,3 ميلليون ادامعا 3,3 تريلليون تەڭگەدەن اسا سوماعا زەينەتاقى تولەنگەن، ونىڭ ىشىندە بازالىق زەينەتاقى تولەۋگە 1 تريلليون 16,6 ميلليارد تەڭگە، ىنتىماقتى زەينەتاقى تولەۋگە – 2 تريلليون 297,4 ميلليارد تەڭگە بولىنگەن.

"2023 جىلعى 1 قاڭتاردان باستاپ ينفلياتسيا دەڭگەيىن ەسكەرە وتىرىپ، الەۋمەتتىك تولەمدەردى جىل سايىنعى يندەكستەۋ شەڭبەرىندە ىنتىماقتى زەينەتاقى ءوسىمى 10,5 پايىز (ينفلياتسيا دەڭگەيىنەن 2 پايىزعا ىلگەرىلەپ) بولدى. سونداي-اق، ەڭ تومەن كۇنكورىس دەڭگەيىنىڭ وزگەرۋىنە بايلانىستى بازالىق زەينەتاقى مولشەرى ۇلعايتىلدى.

2024 جىلعى 1 قاڭتارداعى جاعداي بويىنشا، جيىنتىق زەينەتاقىنىڭ ورتاشا مولشەرى 120 744 تەڭگە بولدى، ونىڭ ىشىندە ىنتىماقتى زەينەتاقى – 82 868 تەڭگە، بازالىق زەينەتاقى – 37 876 تەڭگە", - دەلىنگەن حابارلامادا.

2024 جىلعى 1 قاڭتارداعى جاعداي بويىنشا، ەلىمىزدەگى زەينەتكەرلەر سانى 2 ميلليون 344 مىڭ ادام بولعان.

2024 – 2026 جىلدارعا ارنالعان رەسپۋبليكالىق بيۋدجەت تۋرالى" زاڭعا سايكەس ىنتىماقتى زەينەتاقى مولشەرى 2024 جىلعى 1 قاڭتاردان باستاپ 9 پايىزعا وسكەن.

"وسىلايشا، 2024 جىلعى 1 قاڭتاردان باستاپ جيىنتىق زەينەتاقىنىڭ ەڭ تومەن مولشەرى 77 417 تەڭگەدەن (2023 جىلى) 86 068 تەڭگەگە دەيىن ۇلعايتىلدى".

فوتو: GOV.kz

Abai.kz