استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى بۇرىنعى مادەنيەت جانە سپورت ءمينيسترى ارىستانبەك مۇحامەديۇلىنىڭ ايەلى مەن زاڭگەرىنە قانداي ايىپ تاعىلعانىن ايتتى. 

«ارىستانبەك مۇحامەديۇلىنىڭ ايەلىنە پارا بەرۋدەگى دەلدالدىق، ال ادۆوكاتىنا – اسا ءىرى مولشەردەگى الاياقتىق جاسادى دەگەن ايىپ تاعىلدى. سوت تالقىلاۋى كەشە باستالدى. سوت اكتىسى جاريالانعان ۋاقىتتا رەسمي اقپارات قوسىمشا ۇسىنىلادى»، - دەپ جاۋاپ بەردى سوت اگەنتتىك ساۋالىنا.

ايتا كەتەيىك، ارىستانبەك مۇحامەديۇلى مەن ونىڭ سىبايلاستارىنا قاتىستى جاڭا ءىس اياسىندا سوت تالقىلاۋى جالعاسۋدا. سوتتا ەكى ەپيزود — «ديپلومات» قوناقۇيىن تارتىپ الۋ جانە «التىن ادام شەرۋى» كورمەسىن وتكىزۋ كەزىندە بيلىگىن اسىرا پايدالانۋ، رەيدەرلىك ارەكەت قارالىپ جاتىر.

بىلتىر 20 ماۋسىمدا سوت ۇكىمىمەن ا.مۇحامەديۇلى 8 جىلعا باس بوستاندىعىنان ايىرىلعان ەدى.

فوتو:Tengrinews.kz

Abai.kz