بۇۇ‑نىڭ بىتىمگەرشىلىك كۇشتەرى قۇرامىنداعى قازاقستان بىتىمگەرشىلىك كونتينگەنتى 2024 جىلدىڭ ناۋرىز ايىنان باستاپ گولان بيىكتىكتىكتەرىندەگى  شەگارالىق ءبولىنىس بەلدەۋىندە ورنالاساتىن  بولدى. ول ءۇشىن تاراپتاردىڭ ءوز مىندەتتەرىن جانە كونتينگەنتتىڭ ميسسيعا قاتىسۋىن قارجىلىق، ماتەريالدىق‑تەحنيكالىق قامتاماسىز ەتۋدى ايقىندايتىن بۇۇ‑مەن حالىقارالىق شارت جاسالاتىن بولدى. سونىمەن، «گولان بيىكتىگى» دەگەنىمىز نە؟  بۇگىن ونىڭ قىسقاشا تاريحىمەن تانىستىرامىز:

گولان  بيىكتىگى ‑ تاياۋ شىعىستاعى ۆۋلكاندىق تاۋلى ايماق. ول  يزرايل مەملەكەتىنىڭ سولتۇستىگىن، تيۆەرياد كولىنىڭ (يۆريت تىلىندە كينەرەت كولى) ماڭىن الىپ جاتىر.  بيىكتىگى – 2814 مەتر. اۋدانى – 1800 كم.كۆ. قازىر ول تاياۋ شىعىستاعى تالاس تۋدىرىپ وتىرعان تەرريتوريا بولىپ سانالادى. ونىڭ باتىسىن، ياعني، 3/2 بولىگىن يزرايل يەمدەنىپ وتىر. قالعان شىعىس بولىگى سيريا مەملەكەتىنىڭ باقىلاۋىندا.

گولان بيىكتىگىنىڭ تاريحىنا شولۋ جاساساق، بۇل جەر 1944-1967 جج ارالىعىندا سيريانىڭ كۋنتەيرا پروۆينتسياسىنىڭ قۇرامىندا بولعان.  1967 جىلعى ماۋسىم ايىندا بولعان التىكۇندىك سوعىستا يزرايل بۇل تەرريتوريانى باسىپ الدى. يزرايل وزىنە باعىنىشتى تەرريتوريانى 1981 جىلى اننەكتسيالاعان. بىراق ونى حالىقارالىق قاۋىمداستىق مويىنداعان جوق. بۇۇ‑نىڭ قاۋىپسىزدىك كەڭەسى دە بۇل شەشىمدى مويىندامادى. (1981 ج. رەزوليۋتسيا 479 (17.12. 1981)).

ءسويتىپ، سيريا مەن ءيزرايلدى ءبولىپ تۇرعان شەگارا قاي ۋاقىتتا دا قاقتىعىس الاڭىنا اينالۋى مۇمكىن. مىنە، وسى سىزىق بويىندا دەميليتيريزاتسيالانعان بەلدەۋگە بۇۇ‑نىڭ بىتىمگەرشىلىك قارۋلى كۇشتەرى ورنالاسقان.  ولار وسىعان دەيىن تالاستى گولان بيىكتىگىندە سوعىس ءورتى تۇتانىپ كەتپەۋىنىڭ كەپىلى بولىپ تۇر. ال، 2019 جىلدىڭ  25 ناۋرىزىندا اقش پرەزيدەنتى دونالد ترامپ گولان بيىكتىگىندەگى يزرايل باقىلاۋىنداعى تەرريتوريادا يزرايل ەگەمەندىگىن مويىندادى. ءسويتىپ، اقش گولان بيىكتىگىندەگى يزرايل ەگەمەندىگىن مويىنداعان جالعىز مەملەكەت بولىپ شىقتى. ال، سيريا جاعىنداعى تەرريتوريانى 2011-2018 جج سيريادا ورىن العان ازاماتتىق سوعىستا كوتەرىلىسشىلەر مەن موجداحەدتتەر جاۋلاپ الدى. سيريا ونى سودىرلاردان تەك 2018 جىلدىڭ جازىندا عانا بوساتتى.

قازاقستاندىق كونتينگەنت ءوز ميسسياسىن قازىرگى تاياۋ شىعىستا ورىن العان يزرايل‑پالەستينا سوعىسى ءجۇرىپ جاتقان كەزدە اتقارۋعا بارا جاتىر. ارينە، سيريانىڭ ليۆان مەن يرانعا قوسىلىپ، پالەستينا جاعىن قولداۋى ءبىزدىڭ كونتينگەنت ءۇشىن جاعىمدى ەمەس. بىراق، بۇۇ‑نىڭ اسكەري ينسپەكتسياسى وتە جوعارى باعالانعان 430 ادامنان اسپايتىن روتا ءوز ميسسياسىن ابىرويمەن اتاقارادى دەپ سەنەمىز.

Abai.kz