سانكتسيا سان سوقتىرا باستادى
![](https://abai.kz/content/uploads/2024/01/Bez-nazvanija.jpg)
رەسەيگە سالىنعان سانكتسيا مەملەكەتى عانا ەمەس، ونىڭ وداقتاسىندا، ءتىپتى كەرەك دەسەڭىز قارپايىم جۇرتتى دا، جەكە تۇلعالاردى ءوز قارماعىنا ءتۇسىرىپ، ءوز تيىمدىلىگىن كورسەتە باستادى.
ءتىپتى رەسەيدە الىنە قاراماي، باتىسقا سانكتسيا سالۋعا كوشتى. ەندى وسىلاردى جەكە-جەكە ءسوز ەتەيىك.
بريتاندىقتار رەسەي فەدەراتسياسىنىڭ بالىق اۋلاۋعا تىيىم سالۋىنان سۇيىكتى تاعامدارىنان ايرىلۋى مۇمكىن. رەسەيدىڭ بارەنتس تەڭىزىندە بريتان كەمەلەرىنىڭ بالىق اۋلاۋىنا تىيىم سالۋ تۋرالى شەشىمى سالدارىنان بريتاندىقتار Fish & Chips ۇلتتىق تاعامىنسىز قالۋ قاۋپىن توندىرۋدە. بۇل تۋرالى 18 قاڭتاردا The Daily Mail گازەتى جازدى.
"بريتاندىقتاردىڭ سۇيىكتى تاعامدارىنىڭ ءبىرى (Fish & Chips. - رەد.) بريتاندىق كەمەلەرگە رەسەي اركتيكاسىنىڭ سۋلارىندا بالىق اۋلاۋعا مۇمكىندىك بەرەتىن كەلىسىمنىڭ كۇشىن جويۋ جونىندەگى كرەملدىڭ جوسپارلارىنا بايلانىستى قاۋىپ ءتونىپ تۇر", - دەلىنگەن ماتەريالدا.
گازەتتىڭ مالىمەتىنشە، ۇلىبريتانيا كومپانيالارى رەسەيدىڭ اۋماقتىق سۋلارىنان پيكشا مەن ترەسكا اۋلايدى، ولار ادەتتە Fish & Chips-ءتىڭ نەگىزگى ينگرەديەنتتەرى بولىپ تابىلادى. تەك وتكەن جىلى عانا بارەنتس تەڭىزىندە 566 مىڭ توننادان استام ترەسكا ءوندىرىلدى، دەپ جازادى "گازەتا.Ru".
باسىلىمدا كەلىسىمنىڭ كۇشىن جويۋ تۋرالى ماسكەۋدىڭ شەشىمى لوندوننىڭ سانكتسيالارىنا جاۋاپ بولعانى ايتىلعان.
بۇل رەسەي تاراپىنان ازىق-تۇلىك جونىندەگى بۇزىلاتىن العاشقى حالىقارالىق شارت بولىپ تابىلادى.
18 قاڭتاردا رەسەي ۇلىبريتانيامەن كەلىسىمدى بۇزۋعا دايىن ەكەنى بەلگىلى بولدى، وعان سايكەس بۇل ەلدىڭ كەمەلەرى بارەنتس تەڭىزىنىڭ سۋلارىندا بالىق اۋلاۋدى جۇزەگە اسىرا الادى. ءسىم مەن اۋىل شارۋاشىلىعى مينيسترلىگى ءتيىستى زاڭ جوباسىن ۇكىمەتكە ەنگىزدى، ول ءوز كەزەگىندە ونى قولدادى. ۇكىمەتتىك قۇجاتتاردا اتاپ كورسەتىلگەندەي، دەنونساتسيا رف ءۇشىن ەلەۋلى سىرتقى ساياسي جانە ەكونوميكالىق سالدارعا اكەلمەيدى.
لوندون 2022 جىلدىڭ 24 اقپانىندا ماسكەۋگە قارسى شەكتەۋلەر ەنگىزدى، سودان كەيىن ولاردى بىرنەشە رەت كەڭەيتتى. جەلتوقساننىڭ سوڭىنداعى جاعداي بويىنشا سانكتسيالىق تىزىمدە رەسەيدەن 1,8 مىڭعا جۋىق جەكە تۇلعا تىركەلگەن.
YouTube ميحالكوۆتىڭ "بەسوگون تۆ" ارناسىن بۇعاتتادى
YouTube ۆيدەوحوستينگى رەسەيلىك رەجيسسەر نيكيتا ميحالكوۆتىڭ "بەسوگون تۆ" ارناسىن بۇعاتتادى. ارنانىڭ بەتىنە ءوتۋ ارەكەتى كەزىندە بۇل بەت قول جەتىمدى ەمەس دەگەن حابار پايدا بولادى. ەسكى باسىلىمداردىڭ بىرىنە سىلتەمە جاساعاندا، ۆيدەوحوستينگ "ۆيدەو ەندى قول جەتىمدى ەمەس، سەبەبى وسى بەينەمەن بايلانىستى YouTube اككاۋنتى جويىلدى" دەپ جازادى. "بەسوگون تۆ" باعدارلاماسىنىڭ سوڭعى شىعارىلىمى 22 جەلتوقساندا جاريالاندى، دەلىنگەن سايت حابارىندا.
ارنا 2011 جىلى تىركەلگەن. بەينەبلوگتا رەجيسسەر رەسەي مەن الەمدە بولىپ جاتقان وقيعالار تۋرالى پىكىر بىلدىرەدى. 2014 جىلعى 8 ناۋرىزدان 2020 جىلعى 1 مامىرعا دەيىن "روسسيا-24" تەلەارناسى دا وسىنداي مازمۇنداعى باعدارلامانى كورسەتتى. 2020 جىلدىڭ مامىرىندا تەلەارنا "مەملەكەت كىمنىڭ قالتاسىندا؟" باعدارلاماسىنىڭ ەپيزودىن توردان الىپ تاستادى، سودان كەيىن نيكيتا ميحالكوۆ ارنامەن قارىم-قاتىناستى ءۇزدى. 2019 جىلدان باستاپ باعدارلاما "سپاس" تەلەارناسىندا كورسەتىلە باستادى.
McDonald's بەلارۋسيادان كەتتى
بەلارۋس پرەزيدەنتى الەكساندر لۋكاشەنكو ەلدىڭ سانكتسيالار نەمەسە شەتەلدىك كومپانيالاردىڭ بەلارۋس نارىعىنان كەتۋى سالدارىنان زارداپ شەككەن سەگمەنتتەردە يمپورتتى الماستىرۋدى قامتاماسىز ەتۋگە قابىلەتتى ەكەنىن مالىمدەدى. بۇل رەتتە بەلارۋس بيلىگى شەتەلدىك بيزنەستىڭ مۇلكىن ساتۋدى نەمەسە بەرۋدى جوسپارلاپ وتىرعان جوق. مىسال رەتىندە لۋكاشەنكو مىرزا McDonald's كومپانياسىنىڭ بەلارۋسيادان كەتۋىن كەلتىردى.
"ەشقانداي مۇلىكتى ءبىز ەشكىمگە ساتپايمىز، ەگەر سانكتسيالاردىڭ نەمەسە باسقا دا سەبەپتەردىڭ ناتيجەسىندە مۇندا مەنشىگى، كاسىپورىندارى، كومپانيالارى بار شەتەلدىكتەر ءبىزدىڭ نارىقتان كەتىپ قالسا، بەرمەيمىز. مەن ايتىپ وتكەندەي، دوسۆيدوس - ءبىز ءوزىمىز شەشەمىز. سول McDonald's كورسەتىپ وتىرعانداي، ءبىز مۇنى جاقسى بىلدىك: ادامدار ول جاققا بارعىسى كەلەدى", - دەدى الەكساندر لۋكاشەنكو ۇكىمەتپەن بولعان كەڭەستە.
وسىلايشا باتىستىق سانكتسيا قاۋقارى ءپۋتيننىڭ وداقتاستارى مەن جاقتاستارىنىڭ العا باسقان قادامىن كەرى كەتىرە باستادى.
Abai.kz