ەلىمىزدەگى ەڭ ءىرى ماشينا قۇراستىرۋشىلاردىڭ بىرىنەن سانالاتىن، وسكەمەندەگى «ۆوستوكماشزاۆود» بيىل ءوزىنىڭ 55 جىلدىعىن اتاپ وتپەك. زاۋىت جارتى عاسىردان استام ۋاقىتتىڭ ىشىندە ەلدەگى تاۋ كەن ءوندىرىسى مەن ماشينا قۇراستىرۋ سالاسىنىڭ دامۋىنا ولشەۋسىز ۇلەس قوسىپ ۇلگەردى.

تاريحى تەرەڭدە جاتقان بۇل كاسىپورىنعا سوڭعى جىلدارى داعدارىس قاۋىپ ءتوندىرىپ، بانكروتتىق بۇلتى ۇيىرىلە باستاعان. ايتسە دە مەملەكەت قولداۋىنىڭ ارقاسىندا زاۋىتتاعى جۇمىس ورىندارىن ساقتاپ قالۋدىڭ ءتۇرلى جولدارى قاراستىرىلىپ، قىزمەتكەرلەردىڭ جاپپاي قىسقارتىلۋىنا جول بەرىلمەدى. وسىنداي قيىن-قىستاۋ شاقتا زاۋىتتىڭ تىرلىگىن وڭالتۋ ءۇشىن كومەككە «قازاقستان تەمىرجولى» ۇلتتىق كومپانياسى» اق كەلگەن.

«قازاقستان تەمىرجولى» اكتسيونەرلىك قوعامى بۇگىندە «ۆوستوكماشزاۆودتىڭ» نەگىزگى اكتسيونەرى بولىپ وتىر. زاۋىتتىڭ 95 پايىز اكتسياسى – سولاردىڭ ۇلەسىندە. ول زاۋىتقا 900 ميلليون تەڭگە قۇيىپ، بانكروتتىڭ از-اق الدىندا تۇرعان جەرىنەن اياعىنان تۇرعىزعان. سول قارجىنىڭ 700 ميلليون تەڭگەسى الەۋمەتتىك سالىق پەن كوممۋنالدىق تولەمدەرگە قاتىستى قارىزداردى جابۋعا جۇمسالىپتى. قارىزدىڭ وسىنشالىقتى كوپ بولۋىنىڭ سالدارىنان جۇمىسشىلاردىڭ ەڭبەك-اقىسىن كوتەرۋگە سوڭعى ۋاقىتقا دەيىن مۇمكىندىكتەر بولماعان. وسى ينۆەستيتسيا-نىڭ ارقاسىندا مۇنداعى جۇمىس ورىندارى ساقتالىپ قانا قويماي، جاڭا ورىندار پايدا بولعان. جاڭا جوبا تولىقتاي جۇزەگە اسقاندا جاڭادان اشىلعان جۇمىس ورىن-دارىنىڭ سانى 450-دەن اسادى دەپ كۇتىلۋدە.

ەلىمىزدەگى ەڭ ءىرى ماشينا قۇراستىرۋشىلاردىڭ بىرىنەن سانالاتىن، وسكەمەندەگى «ۆوستوكماشزاۆود» بيىل ءوزىنىڭ 55 جىلدىعىن اتاپ وتپەك. زاۋىت جارتى عاسىردان استام ۋاقىتتىڭ ىشىندە ەلدەگى تاۋ كەن ءوندىرىسى مەن ماشينا قۇراستىرۋ سالاسىنىڭ دامۋىنا ولشەۋسىز ۇلەس قوسىپ ۇلگەردى.

تاريحى تەرەڭدە جاتقان بۇل كاسىپورىنعا سوڭعى جىلدارى داعدارىس قاۋىپ ءتوندىرىپ، بانكروتتىق بۇلتى ۇيىرىلە باستاعان. ايتسە دە مەملەكەت قولداۋىنىڭ ارقاسىندا زاۋىتتاعى جۇمىس ورىندارىن ساقتاپ قالۋدىڭ ءتۇرلى جولدارى قاراستىرىلىپ، قىزمەتكەرلەردىڭ جاپپاي قىسقارتىلۋىنا جول بەرىلمەدى. وسىنداي قيىن-قىستاۋ شاقتا زاۋىتتىڭ تىرلىگىن وڭالتۋ ءۇشىن كومەككە «قازاقستان تەمىرجولى» ۇلتتىق كومپانياسى» اق كەلگەن.

«قازاقستان تەمىرجولى» اكتسيونەرلىك قوعامى بۇگىندە «ۆوستوكماشزاۆودتىڭ» نەگىزگى اكتسيونەرى بولىپ وتىر. زاۋىتتىڭ 95 پايىز اكتسياسى – سولاردىڭ ۇلەسىندە. ول زاۋىتقا 900 ميلليون تەڭگە قۇيىپ، بانكروتتىڭ از-اق الدىندا تۇرعان جەرىنەن اياعىنان تۇرعىزعان. سول قارجىنىڭ 700 ميلليون تەڭگەسى الەۋمەتتىك سالىق پەن كوممۋنالدىق تولەمدەرگە قاتىستى قارىزداردى جابۋعا جۇمسالىپتى. قارىزدىڭ وسىنشالىقتى كوپ بولۋىنىڭ سالدارىنان جۇمىسشىلاردىڭ ەڭبەك-اقىسىن كوتەرۋگە سوڭعى ۋاقىتقا دەيىن مۇمكىندىكتەر بولماعان. وسى ينۆەستيتسيا-نىڭ ارقاسىندا مۇنداعى جۇمىس ورىندارى ساقتالىپ قانا قويماي، جاڭا ورىندار پايدا بولعان. جاڭا جوبا تولىقتاي جۇزەگە اسقاندا جاڭادان اشىلعان جۇمىس ورىن-دارىنىڭ سانى 450-دەن اسادى دەپ كۇتىلۋدە.

وسىلايشا قارىزدان كوز اشقان زاۋىت وتاندىق نارىققا بەت بۇرعانى ەل ەسىندە. تەمىرجول سالاسىنىڭ جاڭا باعىتتارىن ەڭسەرىپ، باسەكەگە قابىلەتتىلىگىن ارتتىرۋ ءۇشىن كاسىپورىن ءوز ءوندىرىسىنىڭ باعىتىن ءارتاراپتاندىرىپ باعۋدا. ەجەلدەن قا-
لىپتاسقان قۋاتتى ءوندىرىس بازاسى كاسىپورىننىڭ ۆاگون قۇيۋ ىسىنە ىركىلمەي كىرىسىپ كەتۋىنە وڭتايلى بولىپ شىقتى. قىتاي جانە نەمىس ماماندارىمەن تىزە قوسىپ، تەر توككەن زاۋىت قىزمەتكەرلەرى بىلتىر №10 شويىن قۇيۋ تسەحىن ۆاگون وندىرىسىنە بەيىم-دەۋ جۇمىستارىن تىندىردى. تسەح تولىق قۋاتىنا ەنگەن شاقتا جىلىنا ەكى مىڭ ۆاگون وندىرىلەدى دەپ كۇتىلۋدە.
ال بيىل قۇرىلعان قوندىرعىلار مەن ەنگىزىلمەك تەحنولوگيالاردى پايدالانا وتىرىپ، كەپىلدىك سۇرانىسقا ساي ءونىم الۋدىڭ تاجىريبەلەرى قىزۋ ءجۇرىپ جاتىر. وسى جۇمىسپەن قاتار «بولاتتى پەشتىڭ قاتىسىنسىز وڭدەۋ» جوباسىنىڭ قۇراستىرۋ جۇمىستارى بىتۋگە جاقىن. زاۋىتتىڭ قۋاتى كۇشەيۋىمەن قاتار، ونداعى قاۋىپسىزدىك شارالارى دا زاماناۋي قىزمەت تۇرىنە كوشىپ وتىر. بۇگىندە زاۋىت وندىرگەن سەرىپپەلى ارقالىقتار رەسەيدىڭ سانكت-پەتەربۋرگىندە سىناقتان وتكىزىلىپ جاتىر. سىناقتان ءساتتى ءوتىپ، ليتسەنزيالىق قۇجاتتارى دايىندالعان ساتتە دايىن ونىمگە سۇرانىس كوپ بولارىنا زاۋىت باسشىلارىنىڭ سەنىمى مول. قازىردىڭ وزىندە «قازاقستان ۆاگون قۇراستىرۋ كومپانياسى» جشس-ىندى ۆاگون جوندەۋ كاسىپورىندارى «ۆوستوكماشزاۆودتىڭ» ونىمدەرىن كۇتىپ وتىر.

– 2009 جىلى زاۋىتتىڭ شىعىنى باس-تان اسىپ، بانكروتتىڭ الدىندا تۇرعان ەدىك. كرەديتورلىق قارىز 8,5 ميلليارد تەڭگەگە دەيىن جەتكەن. «قازاقستان تەمىرجولى» اق زاۋىتتىڭ 95 پايىز اكتسياسىن ساتىپ الىپ، كاسىپورىنعا قۇيعان ينۆەستيتسياسىنىڭ ارقاسىندا جاعداي تۇزەلدى. بۇل جاڭعىرتىلعان تسەح ىسكە قوسىلعان كەزدە نەگىزگى اكتسيونەرىمىزدىڭ قاجەتتىلىكتەرىن قامتاماسىز ەتىپ قانا قويماي، ەلدەگى بولات ۆاگون قۇياتىن جالعىز كاسىپورىن بولماقپىز. سونىڭ ارقاسىندا جۇمىسشىلاردىڭ تۇرمىسىن تۇزەپ، كەلەر جىلعا قاراي زاۋىتتاعى ورتاشا ەڭبەكاقى دەڭگەيىن 95 مىڭ تەڭگەگە دەيىن كوتەرۋدى كوزدەپ وتىرمىز، – دەيدى باس ديرەكتور ۆيكتور ماتوچكين.

داعدارىستىڭ داۋىلىن تولىقتاي ەڭسەرگەن زاۋىت قىزمەتكەرلەرى 55 جىلدىق مەرەيتويدى بولاشاققا دەگەن سەنىممەن قارسى الىپ وتىر.