قاسقايىپ قابانباي تۇر وسكەمەندە
وبلىس ورتالىعى – وسكەمەن قالاسىندا قابانباي باتىردىڭ بىردە ءبىر ەسكەرتكىشى جوق ەكەنى بەلگىلى. بيىلعى جىلدىڭ سوڭىنا دەيىن وسى ولقىلىقتىڭ ورنى تولماق.
وسكەمەننەن سەمەيگە شىعا بەرىستەگى احمەر مەن شىعىس اۋىلىنىڭ ورتاسىنداعى توبەدە ءباھادۇردىڭ اتقا ءمىنىپ تۇرعان الىپ ەسكەرتكىشى بوي كوتەرمەك. وبلىس اكىمى بەردىبەك ساپارباەۆتىڭ باستاماسىمەن قولعا الىنعان بۇل يگى ءىس مادەنيەت جانە اقپارات مينيسترلىگى تاراپىنان قولداۋ تاۋىپتى. ناقتىراق ايتساق، مينيسترلىك تاراپىنان ەلىم دەپ ەڭىرەگەن ەردىڭ ەسكەرتكىشىنە 150 ملن. تەڭگە ءبولىنىپتى.
تۇعىرىنان باستاپ ەسەپتەگەندە ون مەتر بيىكتىكتەن اساتىن الىپ ەسكەرتكىشتىڭ نەگىزگى بولىگى قولادان قۇيىلماق. ەسكەرتكىشتى قازىر استانا قالاسىنداعى «بالقىتۋ» جشس جاساپ جاتىر. تۋىندى اۆتورى – بەلگىلى ساۋلەتشى نۇرلان دالباي.
ەسكەرتكىشتى جاساۋعا تاپسىرىس العان «بالقىتۋ» جشس-ءنىڭ ديرەكتورى ءومىرتاي اداموۆتىڭ ايتۋىنشا، قولا ءمۇسىننىڭ ساپاسى باسقا ەسكەرتكىشتەرمەن سالىستىرعاندا اناعۇرلىم جاقسى كورىنەدى.
جاۋىنا جاسىنداي جارقىلداعان باتىر بابانىڭ وسكەمەنگە كەلۋى ۇلتتىق رۋحىمىزدى تاعى ءبىر كوتەرىپ تاستارى اقيقات. ءبىر كەزدەرى «جاۋدىڭ وتىندە، جەردىڭ شەتىندە» بولامىن دەپ ازۋىن ايعا بىلەگەن قاھارلى قابانباي باتىرعا بۇگىنگى ۇرپاعى وبلىس ورتالىعىنان ورىن سىيلاپ جاتسا، ۇلىلىقتىڭ بەلگىسى ەمەس پە؟!
Abai.kz
وبلىس ورتالىعى – وسكەمەن قالاسىندا قابانباي باتىردىڭ بىردە ءبىر ەسكەرتكىشى جوق ەكەنى بەلگىلى. بيىلعى جىلدىڭ سوڭىنا دەيىن وسى ولقىلىقتىڭ ورنى تولماق.
وسكەمەننەن سەمەيگە شىعا بەرىستەگى احمەر مەن شىعىس اۋىلىنىڭ ورتاسىنداعى توبەدە ءباھادۇردىڭ اتقا ءمىنىپ تۇرعان الىپ ەسكەرتكىشى بوي كوتەرمەك. وبلىس اكىمى بەردىبەك ساپارباەۆتىڭ باستاماسىمەن قولعا الىنعان بۇل يگى ءىس مادەنيەت جانە اقپارات مينيسترلىگى تاراپىنان قولداۋ تاۋىپتى. ناقتىراق ايتساق، مينيسترلىك تاراپىنان ەلىم دەپ ەڭىرەگەن ەردىڭ ەسكەرتكىشىنە 150 ملن. تەڭگە ءبولىنىپتى.
تۇعىرىنان باستاپ ەسەپتەگەندە ون مەتر بيىكتىكتەن اساتىن الىپ ەسكەرتكىشتىڭ نەگىزگى بولىگى قولادان قۇيىلماق. ەسكەرتكىشتى قازىر استانا قالاسىنداعى «بالقىتۋ» جشس جاساپ جاتىر. تۋىندى اۆتورى – بەلگىلى ساۋلەتشى نۇرلان دالباي.
ەسكەرتكىشتى جاساۋعا تاپسىرىس العان «بالقىتۋ» جشس-ءنىڭ ديرەكتورى ءومىرتاي اداموۆتىڭ ايتۋىنشا، قولا ءمۇسىننىڭ ساپاسى باسقا ەسكەرتكىشتەرمەن سالىستىرعاندا اناعۇرلىم جاقسى كورىنەدى.
جاۋىنا جاسىنداي جارقىلداعان باتىر بابانىڭ وسكەمەنگە كەلۋى ۇلتتىق رۋحىمىزدى تاعى ءبىر كوتەرىپ تاستارى اقيقات. ءبىر كەزدەرى «جاۋدىڭ وتىندە، جەردىڭ شەتىندە» بولامىن دەپ ازۋىن ايعا بىلەگەن قاھارلى قابانباي باتىرعا بۇگىنگى ۇرپاعى وبلىس ورتالىعىنان ورىن سىيلاپ جاتسا، ۇلىلىقتىڭ بەلگىسى ەمەس پە؟!
Abai.kz
