«قولجەتىمدى باسپانا-2020» . باعدارلاما جاقسى-اق. اتتەڭ، سوعان قانشا تالپىنسا دا قاراپايىم قازاقتىڭ قولى جەتپەي جاتقانى بولماسا. قايدان جەتسىن، بانك باسشىلارى تۇرعىن ءۇيدى تۋىستارىنا «تويباستار» تاراتقانداي ۇلەستىرىپ بەرسە. «قازاقستان تۇرعىن ءۇي قۇرىلىس جيناق بانكىنىڭ» بۇرىنعى باسشىلارىنىڭ «باستىق بولىپ تۇرعاندا باسىپ قالعا» سالىپ جاساعان ارەكەتتەرى پرەزيدەنتتىڭ سىنىنا ۇشىراماعان دا بالكىم، ءبارى ءباز باياعىداي جالعاسا بەرەر مە ەدى، قايتەر ەدى... قاراشا ۇيگە زار بولىپ، تالاي ەسىكتى توزدىرىپ جۇرگەن قالىڭ قازاقتىڭ كوز-جاسىن قۇداي كوردى مە، ايتەۋىر، «قازاقستان تۇرعىن ءۇي قۇرىلىس جيناق بانكىنىڭ» بۇرىنعى باسشىلارى قولدى قىلعان 9 ءۇيدىڭ ءىزى تابىلدى. پرەزيدەنتتىڭ سىنىنان دەرەۋ ناتيجە شىعىپ، «قازاقستان تۇرعىن ءۇي قۇرىلىس جيناق بانكى» باسشىسى قوسشىلارىمەن بىرگە جۇمىستان بوساتىلىپ، وزدەرى مەن تۋىستارىنا بەرىلگەن پاتەرلەردى ەرىكتى تۇردە قايتارۋعا كەلىستى. قولىندا بار دا قونىشىنان باسىپ، بانك باسقارماسىنىڭ بۇرىنعى توراعاسى، باسقارما توراعاسىنىڭ بۇرىنعى ەكى ورىنباسارى، بانكتىڭ الماتى وبلىستىق فيليالىنىڭ ديرەكتورى، الماتى قالالىق فيليالىنىڭ ديرەكتورى جانە ولاردىڭ تۋىستارى 9 ءۇيدى كارتا تاراتقانداي ءبولىسىپ العان ەكەن. بۇدان بىلاي، بانكتىڭ باسشىلىق قۇرامىنىڭ «قولجەتىمدى باسپانا-2020» باعدارلاماسىنا قاتىسۋىنا شەكتەۋلەر قويىلدى.

«قولجەتىمدى باسپانا-2020» . باعدارلاما جاقسى-اق. اتتەڭ، سوعان قانشا تالپىنسا دا قاراپايىم قازاقتىڭ قولى جەتپەي جاتقانى بولماسا. قايدان جەتسىن، بانك باسشىلارى تۇرعىن ءۇيدى تۋىستارىنا «تويباستار» تاراتقانداي ۇلەستىرىپ بەرسە. «قازاقستان تۇرعىن ءۇي قۇرىلىس جيناق بانكىنىڭ» بۇرىنعى باسشىلارىنىڭ «باستىق بولىپ تۇرعاندا باسىپ قالعا» سالىپ جاساعان ارەكەتتەرى پرەزيدەنتتىڭ سىنىنا ۇشىراماعان دا بالكىم، ءبارى ءباز باياعىداي جالعاسا بەرەر مە ەدى، قايتەر ەدى... قاراشا ۇيگە زار بولىپ، تالاي ەسىكتى توزدىرىپ جۇرگەن قالىڭ قازاقتىڭ كوز-جاسىن قۇداي كوردى مە، ايتەۋىر، «قازاقستان تۇرعىن ءۇي قۇرىلىس جيناق بانكىنىڭ» بۇرىنعى باسشىلارى قولدى قىلعان 9 ءۇيدىڭ ءىزى تابىلدى. پرەزيدەنتتىڭ سىنىنان دەرەۋ ناتيجە شىعىپ، «قازاقستان تۇرعىن ءۇي قۇرىلىس جيناق بانكى» باسشىسى قوسشىلارىمەن بىرگە جۇمىستان بوساتىلىپ، وزدەرى مەن تۋىستارىنا بەرىلگەن پاتەرلەردى ەرىكتى تۇردە قايتارۋعا كەلىستى. قولىندا بار دا قونىشىنان باسىپ، بانك باسقارماسىنىڭ بۇرىنعى توراعاسى، باسقارما توراعاسىنىڭ بۇرىنعى ەكى ورىنباسارى، بانكتىڭ الماتى وبلىستىق فيليالىنىڭ ديرەكتورى، الماتى قالالىق فيليالىنىڭ ديرەكتورى جانە ولاردىڭ تۋىستارى 9 ءۇيدى كارتا تاراتقانداي ءبولىسىپ العان ەكەن. بۇدان بىلاي، بانكتىڭ باسشىلىق قۇرامىنىڭ «قولجەتىمدى باسپانا-2020» باعدارلاماسىنا قاتىسۋىنا شەكتەۋلەر قويىلدى.

 «قايتقان مال دا بەرەكە بار» دەمەكشى، 9 ءۇيدىڭ قايتارىلعان 7- ءى باسپاناعا مۇقتاج ازاماتتارعا بەرىلەدى دەيدى. تاعى دا توتەنشە تالاۋعا تۇسپەي، شىركىن-اي، بەرىلسە ەكەن...

ال، قالعان ەكى ءۇيدى زاڭسىز العانىنا قاراماستان «يەلەرى» قايتارمايمىز دەپ قاسارىسىپ وتىرعان كورىنەدى. ال، ەندەشە... سوندا بۇل ەكى ءۇيدىڭ «قوجايىندارى» ءۇشىن زاڭ، ءۇي الۋدىڭ ءتارتىبى، ار-ۇيات دەگەنىڭىزدىڭ قۇنى كوك تيىن بولىپ تۇر...

بانكتىڭ بۇرىنعى باسشىلارىنىڭ بىلىعىنان كەيىن «قولجەتىمدى باسپانا-2020» باعدارلاماسىنىڭ «تۇرعىنداردىڭ بارلىق كاتەگوريالارىنا ورتاق» باعىتى بويىنشا تومەندەگىدەي بىرقاتار وزگەرىستەر ەنگىزىلمەكشى ەكەن:

• ء بىر وتباسى مۇشەلەرىنىڭ بىرنەشە پاتەر الۋىنا تيىم سالۋ. وتباسى ۇعىمىنا ەرلى-زايىپتىلدار مەن ولاردىڭ 18 جاسقا تولماعان بالالارى كىرەدى;
• باعدارلاماعا باسپانا بەرىلەتىن ايماقتا (قالادا) باسپاناسى جوق نەمەسە باسپانا جاعدايىن جاقسارتۋعا مۇقتاج (وتباسىنىڭ ءبىر مۇشەسىنە 15 شارشى مەتردەن كەم بولسا) ازاماتتاردى عانا جىبەرۋ;
• سوڭعى 5 جىلدىڭ ىشىندە ءوزىنىڭ باسپانا جاعدايىن سانالى تۇردە ناشارلاتقان ازاماتتاردىڭ باعدارلاماعا قاتىسۋىنا تيىم سالۋ;
• باعدارلاماعا قازاقستان رەسپۋبليكاسىنىڭ ازاماتتارى مەن «ورالمان» مارتەبەسىنە يە ازاماتتار عانا قاتىستىرىلادى. باعدارلاماعا قاتىسۋشىلار پاتەر العىسى كەلەتىن ەلدى مەكەندە كەم دەگەندە ەكى جىل تىركەۋدە تۇرۋى ءتيىس.

مىنە، «قولجەتىمدى باسپانانىڭ» توڭىرەگىندەگى سوڭعى جاڭالىقتار.

بانكتىڭ جاڭا باسشىلىعى جۇرتتىڭ كۇدىگى سەيىلىپ، ءۇمىتى جاناتىنداي ەتىپ، باعدارلاماعا سايكەس، ءۇي العان قاراپايىم ازاماتتاردىڭ ءتىزىمىن جاريا ەتىپ، ولاردى «پرەزيدەنتتىڭ سىنىنان شىققان ناتيجە» رەتىندە مەملەكەتتىك ارنالاردان كورسەتسە، قۇبا-قۇپ بولار ەدى. ايتپەسە، ««ايگەرىم» تۇرعىن ءۇي كەشەنىندە پاتەر العان بانكتىڭ باسقا قىزمەتكەرلەرىنە قاتىستى قانداي دا ءبىر شارا قابىلدانبايدى. سەبەبى، ولار بانكتىڭ باسشىلىق قۇرامىنا كىرمەيدى جانە دە باسپانانى باعدارلاما تالاپتارىنا ساي زاڭ شەڭبەرىندە العان» دەلىنگەن سوزگە يا سەنەرىڭدى يا سەنبەسىڭدى بىلمەي دال بولاسىڭ. سەنەيىن دەسەڭ، زاڭ شەڭبەرىندە العانىن ايعاقتايتىن دالەل جاريالانبادى، ونىڭ ۇستىنە باسشىلارى ءبولىسىپ جاتقان دا باسشىلىق قۇرامعا قاتىسى جوق بولسا دا قىزمەتكەرلەر قاراپ قالا ما؟ تىم قۇرىعاندا ءوز ۇلەسىن باسا كەتپەسىنە كىم كەپىل... وسىنداي ءدۇدامالداۋ دۇنيەلەردىڭ باسىن اشىپ، ناقتىلاپ جىبەرمەسە، بانككە دەگەن ەل سەنىمىن قايتارۋ قيىنعا سوعادى-اۋ...

قايتكەندە دە، «قولجەتىمدى باسپانا» ۇيسىزدەرگە بۇيىرسىن...

Abai.kz