ماڭعىستاۋ «جىل ادامىن» قالاي انىقتايدى؟
جالپى ەرەجە
1. وسى ەرەجە جىل سايىنعى وبلىستىق «جىل ادامى» بايقاۋىنداعى اتاقتاردى بەرۋ ءتارتىبىن، وتكىزۋ جانە قورىتىندىلاۋ تالاپتارىن انىقتايدى (ماتىندە ودان ءارى - بايقاۋ).
2. بايقاۋعا جالپى باسشىلىق ەتۋدى بايقاۋدى وتكىزەتىن ۇيىمداستىرۋ كوميتەتى جۇزەگە اسىرادى (بۇدان ءارى قاراي – ۇيىمداستىرۋ كوميتەتى).
3. بايقاۋعا ماڭعىستاۋ وبلىسىندا تۇراقتى تۇراتىن جانە وبلىس اۋماعىندا ورنالاسقان ءار ءتۇرلى ۇيىمدىق-قۇقىق جانە مەنشىك تۇرىندەگى ۇيىمداردا قىزمەت اتقاراتىن ادامدار قاتىسا الادى.
4. بايقاۋعا ۇمىتكەرلەردى ۇسىنۋ ساراپتاۋ كەڭەسىنىڭ ۇسىنىمىمەن جىل سايىن 20 قازاننان – 10- قاراشاعا دەيىن جۇزەگە اسىرىلادى.
5. بايقاۋعا قاتىسۋعا ءار ۇمىتكەر بويىنشا ءوتىنىم ۇيىمداستىرۋ كوميتەتىنە جولدانادى. ۇمىتكەردى بايقاۋعا قاتىسۋعا ۇسىنعان ۋاقىتتا ۇيىمداستىرۋ كوميتەتىنىڭ توراعاسى اتىنا مىنا قۇجاتتار جولدانادى:
- ۇمىتكەر جونىندە مالىمەت (اتى-ءجونى، تۋعان كۇنى، ايى، جىلى);
- مەكەمەنىڭ مەكەن-جايى كورسەتىلگەن جۇمىس ورنى، اتقاراتىن قىزمەتى;
- بايلانىس تەلەفوندارى ء(ۇي، جۇمىس، ۇيالى);
- ۇمىتكەردى كۋالاندىراتىن قۇجاتىنىڭ سەرياسى مەن نومەرى;
- ۇمىتكەردىڭ نەگىزگى جۇمىس ورنىنان ۇيىم (مەكەمە، بىرلەستىك، ت.ب.) باسشىسىنىڭ قولى قويىلعان ۇمىتكەردىڭ جەتىستىگى جونىندەگى انىقتاما (مىنەزدەمە);
جالپى ەرەجە
1. وسى ەرەجە جىل سايىنعى وبلىستىق «جىل ادامى» بايقاۋىنداعى اتاقتاردى بەرۋ ءتارتىبىن، وتكىزۋ جانە قورىتىندىلاۋ تالاپتارىن انىقتايدى (ماتىندە ودان ءارى - بايقاۋ).
2. بايقاۋعا جالپى باسشىلىق ەتۋدى بايقاۋدى وتكىزەتىن ۇيىمداستىرۋ كوميتەتى جۇزەگە اسىرادى (بۇدان ءارى قاراي – ۇيىمداستىرۋ كوميتەتى).
3. بايقاۋعا ماڭعىستاۋ وبلىسىندا تۇراقتى تۇراتىن جانە وبلىس اۋماعىندا ورنالاسقان ءار ءتۇرلى ۇيىمدىق-قۇقىق جانە مەنشىك تۇرىندەگى ۇيىمداردا قىزمەت اتقاراتىن ادامدار قاتىسا الادى.
4. بايقاۋعا ۇمىتكەرلەردى ۇسىنۋ ساراپتاۋ كەڭەسىنىڭ ۇسىنىمىمەن جىل سايىن 20 قازاننان – 10- قاراشاعا دەيىن جۇزەگە اسىرىلادى.
5. بايقاۋعا قاتىسۋعا ءار ۇمىتكەر بويىنشا ءوتىنىم ۇيىمداستىرۋ كوميتەتىنە جولدانادى. ۇمىتكەردى بايقاۋعا قاتىسۋعا ۇسىنعان ۋاقىتتا ۇيىمداستىرۋ كوميتەتىنىڭ توراعاسى اتىنا مىنا قۇجاتتار جولدانادى:
- ۇمىتكەر جونىندە مالىمەت (اتى-ءجونى، تۋعان كۇنى، ايى، جىلى);
- مەكەمەنىڭ مەكەن-جايى كورسەتىلگەن جۇمىس ورنى، اتقاراتىن قىزمەتى;
- بايلانىس تەلەفوندارى ء(ۇي، جۇمىس، ۇيالى);
- ۇمىتكەردى كۋالاندىراتىن قۇجاتىنىڭ سەرياسى مەن نومەرى;
- ۇمىتكەردىڭ نەگىزگى جۇمىس ورنىنان ۇيىم (مەكەمە، بىرلەستىك، ت.ب.) باسشىسىنىڭ قولى قويىلعان ۇمىتكەردىڭ جەتىستىگى جونىندەگى انىقتاما (مىنەزدەمە);
- ساراپتاۋ كوميسسياسى نەمەسە ۇجىم جينالىسى حاتتاماسىنىڭ ءۇزىندىسى كوشىرمەسى جانە ۇسىنىم.
6. بايقاۋ كەلەسى نوميناتسيالار بويىنشا جۇرگىزىلەدى:
- «جىل مۇعالىمى»
- «جىل عالىمى»
- «جىل دارىگەرى»
- «جىل مەدبيكەسى»
- «جىلدىڭ ۇكىمەتتىك ەمەس ۇيىمى»
- «جىل ءجۋرناليسى»
- «جىل سپورتشىسى»
- «جىل پوليتسەيى»
- «جىلدىڭ مادەنيەت جانە ونەر قىزمەتكەرى»
- «جىل فەرمەرى»
- «جىل تاربيەشىسى»
- «جىل جەبەۋشىسى»
- «جىلدىڭ ۇزدىك الەۋمەتتىك قىزمەتكەرى»
- «جىل مۇنايشىسى»
- «جىل قۇرىلىسشىسى»
ۇمىتكەرلەردى تاڭداۋ كريتەريى
7. ءار نوميناتسيا بويىنشا جەڭىمپاز انىقتالادى. بايقاۋ جەڭىمپازى ديپلوممەن، ەستەلىك سىيلىقتارمەن جانە 100 000 تەڭگە كولەمىندە اقشالاي سىيلىقپەن ماراپاتتالىپ، مىنا اتاقتار بەرىلەدى:
«جىل مۇعالىمى» - وقۋشىلاردى دايىنداۋدا ۇزدىك جەتىستىكتەرگە جەتكەنى، ساباق بەرۋدىڭ تەحنيكاسى مەن ءادىسىن جوعارعى دارەجەدە مەڭگەرگەنى، سونىمەن قاتار ءبىلىم بەرۋدە جاڭا پەداگوگيكالىق ادىستەردى، جاڭاشىل يدەيالاردى، يننوۆاتسيالىق تەحنولوگيالاردى ەنگىزگەنى، وبلىستىق، رەسپۋبليكالىق، حالىقارالىق بايقاۋلارعا، سونىمەن بىرگە وبلىستاعى قوعامدىق ماڭىزى بار ءىس-شارالارعا قاتىسقانى، جۇرتشىلىق پەن ازاماتتىق قوعام ينستيتۋتتارىمەن بەلسەندى جۇمىس جاساعانى ءۇشىن جالپى ءبىلىم بەرەتىن وقۋ ورنىنىڭ قىزمەتكەرىنە.
«جىل عالىمى» - ءوڭىردىڭ عىلىمىنىڭ دامۋىنا ەلەۋلى ۇلەس قوسقان، ءوز سالاسى بويىنشا اشقان عىلىمي جاڭالىعىن وبلىستىق، رەسپۋبليكالىق جانە الەمدىك عىلىمي-ءبىلىم بەرۋ قاۋىمداستىعى مويىنداعان عىلىمي قىزمەتكەرگە.
«جىل دارىگەرى» - ءوز سالاسىندا جەتىستىكتەرگە جەتكەنى، كاسىبي دەڭگەيى جوعارى، گيپپوكرات انتىن بەرىك ساقتاعانى، تۇرعىندار اراسىندا جۇقپالى، رەسپيراتورلىق اۋرۋ تۇرلەرىنىڭ تارالۋى جانە بالا مەن انا ءولىمى كورسەتكىشتەرىن تومەندەتۋ جۇمىستارىنا ات سالىسقانى، مەديتسينالىق قىزمەت كورسەتۋ ساپاسى مەن مادەنيەتىنىڭ جوعارىلىعى ءۇشىن جانە جۇرتشىلىق مويىنداعان دارىگەرگە.
«جىل مەدبيكەسى» - جوعارعى كاسىبي دەڭگەيى، مەديتسينالىق قىزمەت كورسەتۋ ساپاسى مەن مادەنيەتىنىڭ جوعارىلىعى ءۇشىن جانە جۇرتشىلىق مويىنداعان مەديتسينا قىزمەتكەرىنە.
«جىلدىڭ ۇكىمەتتىك ەمەس ۇيىمى» - وسكەلەڭ ۇرپاقتى تاربيەلەۋگە، وڭىردە ۇلتارالىق جانە كونفەسسياارالىق كەلىسىمدى ساقتاۋعا، الەۋمەتتىك ماڭىزى بار جوبالاردى ىسكە اسىرۋعا باعىتتالعان ءىس-شارالاردى وتكىزگەنى ءۇشىن جانە جۇرتشىلىق مويىنداعان قوعامدىق بىرلەستىك باسشىسىنا نەمەسە ازاماتتىق قوعام ينستيتۋتى وكىلىنە.
«جىل ءجۋرناليسى» - وبلىستىڭ تاريحىن، مادەنيەتىن، عىلىمىن، الەۋمەتتىك-ەكونوميكالىق پروبلەمالارىن تەرەڭ زەرتتەي وتىرا، سونىمەن قاتار جاس ۇرپاقتى ۇلتارالىق كەلىسىم مەن بىرلىككە تاربيەلەۋگە باعىتتالعان ماتەريالداردى جارىققا شىعارعان بۇقارالىق اقپارات قۇرالدارى قىزمەتكەرىنە.
«جىل سپورتشىسى» - سپورتتا وتاندىق جانە الەمدىك دەڭگەيدە جوعارعى كورسەتكىشتەرگە جەتكەن سپورتشىعا.
«جىل پوليتسەيى» - وڭىردە قىلمىستىڭ تومەندەۋىنە، ازاماتتاردىڭ قاۋىپسىزدىگىن قامتاماسىز ەتۋگە، قوعامدىق ءتارتىپتى ساقتاۋعا، قىلمىستاردىڭ الدىن الۋعا جانە اشىلۋىنا قوسقان جەتىستىكتەرى ءۇشىن قۇقىق قورعاۋ ورگاندارى قىزمەتكەرىنە.
«جىلدىڭ مادەنيەت جانە ونەر قىزمەتكەرى» - مادەنيەت جانە ونەر سالاسىنداعى جەتىستىكتەرى، جوعارعى شەبەرلىگى، شىعارماشىلىق ۇلەسى، ۇزدىك قويىلىمدارى مەن ورىنداۋشىلىق ونەرى ءۇشىن جانە جۇرتشىلىق مويىنداعان سالا قىزمەتكەرىنە.
«جىل فەرمەرى» - اۋىل شارۋاشىلىق ونىمدەرىمەن قامتاماسىز ەتۋدە، مال باسىن ساقتاۋ جانە كوبەيتۋگە، جۇمىس بارىسىندا جاڭاشىل يدەيالار مەن ادىستەردى ەنگىزۋدە جوعارى جەتىستىكتەرگە جەتكەن اۋىل شارۋاشىلىق مامانىنا.
«جىل تاربيەشىسى» - تاربيەلەۋ پروتسەسىندە جاڭا پەداگوگيكالىق ادىستەردى، جاڭاشىل يدەيالاردى ەنگىزىپ، اتا-انالار مەن ەڭبەك ۇجىمىندا بەدەلگە يە بولعان، وبلىستىق جانە رەسپۋبليكالىق بايقاۋلارعا قاتىسىپ، جەڭىمپاز اتانىپ جۇرگەن مەكتەپكە دەيىنگى ءبىلىم بەرۋ مەكەمەسىنىڭ تاربيەشىسىنە.
«جىل جەبەۋشىسى» - مۇقتاج ادامدارعا قايىرىمدىلىق كومەك كورسەتكەنى، تۇرعىنداردىڭ الەۋمەتتىك ماسەلەلەرىن شەشۋگە باعىتتالعان قايىرىمدىلىق اكتسيالارىن ۇيىمداستىرعانى ءۇشىن جەكە تۇلعاعا نەمەسە ءار ءتۇرلى ءتۇرلى ۇيىمدىق-قۇقىقتىق جانە مەنشىك تۇرىندەگى مەكەمە باسشىسىنا.
«جىلدىڭ ۇزدىك الەۋمەتتىك قىزمەتكەرى» - تۇرعىنداردىڭ الەۋمەتتىك ءالجۋاز توپتارىنا (زەينەتكەرلەر، جالعىزباستى انالار، مۇگەدەكتەر، جەتىم بالالار جانە ازاماتتاردىڭ الەۋمەتتىك از قامتىلعان توپتارى) ساپالى قىزمەت كورسەتكەنى ءۇشىن جانە جۇرتشىلىق مويىنداعان الەۋمەتتىك قورعاۋ مەن قامتاماسىز ەتۋ سالاسىنىڭ قىزمەتكەرىنە.
«جىل مۇنايشىسى» - (مۇنايگاز جانە مۇناي-حيميا كەشەنى جۇمىسكەرى)-كاسىبي قىزمەتىندەگى جەتىستىكتەرى جانە مۇناي مەن گاز ءوندىرۋدى ۇلعايتۋعا، ولاردى كەشەندى وڭدەۋگە، ءوندىرىس تيىمدىلىگىن ارتتىرۋعا ىقپال ەتكەن جاڭا تەحنولوگيالاردى ەنگىزگەنى ءۇشىن مۇنايگاز جانە مۇنايحيميا سالاسىنىڭ جۇمىسكەرىنە.
«جىل قۇرىلىسشىسى» - وڭىردىڭساۋلەت جانە قۇرىلىس سالاسىنداعى جوعارى كورسەتكىشتەرگە قول جەتكىزگەن جەتىستىكتەرى ءۇشىن قۇرىلىس سالاسىنىڭ جۇمىسكەرىنە.
ۇمىتكەرلەردى ۇسىنۋدىڭ مەرزىمى مەن ءتارتىبى
8. ۇمىتكەرلەردى بايقاۋعا ۇسىنۋ ءتيىستى جىلدىڭ 10-قاراشاسىندا اياقتالادى.
نوميناتسيالار بويىنشا ۇمىتكەرلەردى ۇسىنۋ مەرزىمى تۋرالى اقپارات ۇمىتكەرلەردى ۇسىنۋدان كەمىندە ءبىر اي بۇرىن وبلىستىڭ بۇقارالىق اقپارات قۇرالدارىندا جاريالانادى.
9. بارلىق كەلىپ تۇسكەن وتىنىمدەر نوميناتسيالار بويىنشا توپتالادى. ءار نوميناتسيا بويىنشا ءۇش ۇمىتكەر انىقتالادى (فينالعا شىعۋشىلار). ساراپتاۋ كوميسسياسى قورىتىندى جاساپ، فينالعا جەتكەن كانديداتۋرالاردى ۇيىمداستىرۋ كوميتەتىنىڭ قاراۋىنا ۇسىنادى.
وتىنىمدەردى قورىتىندىلاۋ ەكى ساتىدا جۇزەگە اسىرىلادى.
10. بايقاۋدىڭ ءبىرىنشى ساتىسىندا ءار نوميناتسيا بويىنشا وبلىستىڭ جەرگىلىكتى اتقارۋ ورگاندارىنىڭ ءوز سالاسىندا بەدەلدى جانە تاجىريبەلى مامانداردان تۇراتىن ساراپتاۋ كوميسسياسى قارايدى:
- «جىل مۇعالىمى», «جىل تاربيەشىسى» نوميناتسيالارى بويىنشا – ماڭعىستاۋ وبلىستىق ءبىلىم بەرۋ باسقارماسىنىڭ ساراپتاۋ كوميسسياسى;
- «جىل عالىمى» نوميناتسياسى بويىنشا – وبلىستاعى جوعارى جانە ارناۋلى ورتا وقۋ ورىندارىنىڭ جانە ماڭعىستاۋ وبلىستىق ءبىلىم بەرۋ باسقارماسىنىڭ ساراپتاۋ كوميسسياسى;
- «جىل دارىگەرى» مەن «جىل مەدبيكەسى» - نوميناتسيالارى بويىنشا - ماڭعىستاۋ وبلىستىق دەنساۋلىق ساقتاۋ باسقارماسىنىڭ ساراپتاۋ كوميسسياسى;
- «جىلدىڭ ۇزدىك ۇكىمەتتىك ەمەس ۇيىمى» نوميناتسياسى بويىنشا - ماڭعىستاۋ وبلىستىق ىشكى ساياسات باسقارماسىنىڭ ساراپتاۋ كوميسسياسى;
- «جىل ءجۋرناليسى» نوميناتسياسى بويىنشا - ماڭعىستاۋ وبلىستىق ىشكى ساياسات باسقارماسىنىڭ ساراپتاۋ كوميسسياسى;
- «جىل سپورتشىسى» نوميناتسياسى بويىنشا – ماڭعىستاۋ وبلىستىق دەنە تاربيەسى جانە سپورت باسقارماسىنىڭ ساراپتاۋ كوميسسياسى;
- «جىل پوليتسەيى» نوميناتسياسى بويىنشا - ماڭعىستاۋ وبلىستىق ىشكى ىستەر دەپارتامەنتىنىڭ ساراپتاۋ كوميسسياسى;
- «جىلدىڭ مادەنيەت جانە ونەر قىزمەتكەرى» نوميناتسياسى بويىنشا - ماڭعىستاۋ وبلىستىق مادەنيەت باسقارماسىنىڭ ساراپتاۋ كوميسسياسى;
- «جىل فەرمەرى» نوميناتسياسى بويىنشا - ماڭعىستاۋ وبلىستىق اۋىل شارۋاشىلىعى باسقارماسىنىڭ ساراپتاۋ كوميسسياسى;
- «جىل جەبەۋشىسى» نوميناتسياسى بويىنشا - ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ساراپتاۋ كوميسسياسى;
- «جىلدىڭ ۇزدىك الەۋمەتتىك قىزمەتكەرى» نوميناتسياسى بويىنشا - ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ساراپتاۋ كوميسسياسى;
- «جىل مۇنايشىسى» نوميناتسياسى بويىنشا - ماڭعىستاۋ وبلىسىنىڭ كاسىپكەرلىك جانە ونەركاسىپ باسقارماسىنىڭ ساراپتاۋ كوميسسياسى.
- «جىل قۇرىلىسشىسى» نوميناتسياسى بويىنشا - ماڭعىستاۋ وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ ساراپتاۋ كوميسسياسى.
11. بايقاۋدىڭ ەكىنشى ساتىسىندا ۇيىمداستىرۋ كوميتەتى ءار نوميناتسيا بويىنشا «جىل ادامى» بايقاۋىنىڭ جەڭىمپازىن انىقتايدى. بايقاۋ جەڭىمپازدارى تۋرالى وتىنىمدەر 10-قاراشاعا دەيىن قابىلدانادى.
«جىل ادامى» بايقاۋىن ۇيىمداستىرۋ جانە وتكىزۋ كەزىندەگى قاجەتتى قاراجات شىعىندارى ماڭعىستاۋ وبلىستىق ىشكى ساياسات باسقارماسى ارقىلى جەرگىلىكتى بيۋدجەتتەن جۇزەگە اسىرىلادى.
«جىل ادامى» بايقاۋىنىڭ جەڭىمپازدارىنىڭ قىزمەتى جونىندەگى اقپارات وبلىستىڭ بۇقارالىق اقپارات قۇرالدارىندا جارىققا شىعادى.
ديپلومدار ۇلگىلەرىن ۇيىمداستىرۋ كوميتەتى بەكىتەدى.
«جىل ادامى» ديپلومدارى، ەستەلىك جانە اقشالاي سىيلىقتار ماڭعىستاۋ وبلىسى اكىمياتى ۇيىمداستىرعان سالتاناتتى جيىندا تابىس ەتىلەدى.
Abai.kz
