الماتىدا تاكسوموتور جانە جالعا بەرۋ سالاسى قاۋىمداستىعىنىڭ وكىلدەرى تاكسيلەرگە اۆتوبۋس جولاعىمەن جۇرۋگە مۇمكىندىك بەرىلۋىن سۇراپ وتىر، دەپ حابارلايدى Abai.kz.

ەلىمىزدىڭ وڭتۇستىك استاناسىنىڭ تۇرعىندارى تاكسيدى تىم جيىلەتىپ شاقىراتىن بولىپ كەتكەن. سايكەسىنشە، جەتكىزىپ سالۋ قىزمەتتەرى دە دامىپ وتىر.
الايدا، جول كەپتەلىسىنىڭ ۇزاقتىعىنا اتالمىش جەتكىزۋ قىزمەتتەرى قانشالىقتى زيان كەلتىرمەك؟!

ال جەتكىزۋ قىزمەتتەرى جولاۋشىلاردىڭ ۋاقىتىن ۇنەمدەۋدى باستى ماقسات ەتكەن. سول سەبەپتىدەن اۆتوبۋس جولاقتارىمەن جۇرۋگە رۇقسات سۇراپ وتىر.

"تاكسيگە اۆتوبۋس جولاقتارىمەن جۇرۋگە رۇقسات بەرۋدىڭ پايداسى بولماسا زيانى جوق. ءارى، ەشقانداي قيىندىق تۋمايدى دەپ ويلايمىن. الدىمەن بارلىق جۇرگىزۋشىلەردى «سەرگەك» جۇيەسىنە ەنگىزۋ قاجەت. سول كەزدە ايىپپۇل كەلمەيدى. پوليتسەيلەر تاكسي مەن قاراپايىم كولىكتەردى اجىراتۋ ءۇشىن سىرتىنا كومپانيانىڭ بەلگىسىن سالۋعا بولادى", – دەدى قازاقستاننىڭ تاكسوموتور جانە جالعا بەرۋ سالاسى قاۋىمداستىعىنىڭ توراعاسى جەڭىس مۋحيەۆ.

كەيبىر الماتىلىق تاكسي جۇرگىزۋشىلەرى دە قاۋىمداستىق وكىلدەرى كوتەرگەن باستامانى قولداپ وتىر.

قالالىق قوعامدىق كەڭەس مۇشەلەرى قاۋىمداستىق تاراپىنان مۇنداي ۇسىنىس تۇسپەگەنىن ايتتى.

"مەن تاكسيلەردىڭ ارنايى اۆتوبۋس جەلىلەرىمەن جۇرۋگە قارسىمىن. قالاداعى كولىك جاعدايى قيىن بولعاندىقتان، ەڭ بولماعاندا كەپتەلىس كەزىندە ارنايى اۆتوبۋس جەلىلەرىندە تاكسيدىڭ ءجۇرۋىن شەكتەۋدى ۇسىنامىن", – دەدى قوعامدىق كەڭەس مۇشەسى گۇلميرا بايعابىلوۆا.

Abai.kz