اقش-تىڭ وڭتۇستىك شەكاراسىندا باقىلاۋ شارالارىن كۇشەيتۋ تۋرالى ەرەجەلەرى جوق يزرايل مەن ۋكرايناعا كومەك كورسەتۋ تۋرالى پاكەتتىك زاڭ جوباسى اقش كونگرەسىنىڭ سەناتىندا كەزەكتى راسىمدىك داۋىس بەرۋدەن ءوتتى.

$95 ملرد-تان استام قوسىمشا بيۋدجەتتىك قارجى ءبولۋدى قاراستىراتىن باستامانى ودان ءارى قاراۋ ءۇشىن سەناتورلار $60,06 ملرد-تى ۋكراينانى قولداۋعا، $14,1 ملرد-تى يزرايلگە كومەككە باعىتتاۋدى ۇسىنىپ وتىر، كەم دەگەندە 60 زاڭ شىعارۋشىنىڭ قولداۋى قاجەت بولدى.

داۋىس بەرۋ قورىتىندىسىنا سايكەس، زاڭ جوباسىن 67 سەناتور قولدادى، 27 زاڭ شىعارۋشى قارسىلىق ءبىلدىردى. كونگرەستىڭ جوعارعى پالاتاسىندا وسى زاڭ جوباسى بويىنشا سوڭعى داۋىس بەرۋدى وتكىزۋ مەرزىمى ازىرگە بەلگىلەنبەگەن.

سەناتتاعى دەموكراتيالىق كوپشىلىك كوشباسشىسى چاك شۋمەر (نيۋ-يورك شتاتىنان) بۇعان دەيىن كونگرەستىڭ جوعارعى پالاتاسى ۋكرايناعا «ول اياقتالعانعا دەيىن» كومەك كورسەتۋ تۋرالى زاڭ جوباسى بويىنشا جۇمىستى جالعاستىراتىنىن ايتقان بولاتىن.

Abai.kz